Matthew 20:23 - The New Testament in Islander Creole

²³ Jesus seh tu dem, “Unu kyan mek shuor seh unu gwain drink outa mi kop a sofarin. Bot mii no gat di rait fi disaid huu gwain sidong pahn mi rait said, or pan mi lef. Dah ongl mi Faada gwain gi daty plies tu dem weh ihn gat pripier fi dat.”

Matthew 20:23 Iomraidhean Croise

Matthew 13:11

Ahn Jesus ansa ahn seh, “Ah deh tel unu som tingz bout di Kingdom a Hevn weh nonbady neva andastan op til now. Bot fi di ada pipl dem, God neva gi dem dis andastandin.

Matthew 20:24

Wen di ada ten disaipl hier weh hapm, dehn get beks wid di two breda dem.

Matthew 25:34

Den di king gwain seh tu dem pahn di rait, ‘Kom, unu weh mi Faada wehn bles; kom get di Kingdom weh di Laad pripier fi unu fahn wen ihn fos mek di worl.

Mark 10:40

Bot mii no gat di rait fi disaid huu gwain sidong pahn mi rait said, or pan mi lef. Dah ongl mi Faada gwain gi daty plies tu dem weh ihn gat pripier fi dat.”

Acts 12:2

Mongs dem dehn grab James —John breda— ahn Herod gi aadaz fi mek dem kil im wid wan suod.

Romans 8:17

Ahn sieka weh wi dah God pikniny, wi gwain get aal di blesin dem weh God deh kiip fi ihn pipl dem, ahn shier demde blesinz weh him deh kiip fi ihn Son tu. Bikaaz, if wi shier iina Christ sofarin, wi gwain shier iina fi him gluory tu!

1 Corinthians 2:9

Bot jos laik how di Skriptyo gat'ih rait dong ahn seh: “Nonbady neva si, ahn nonbady neva hier, ahn nonbady neva yet imajin, aal weh God gat plan fi demde pipl weh lov him.”

2 Corinthians 1:7

Wi gat evry kanfidens iina unu seh, jos how unu shier iina wi sofarin, unu gwain shier iina God komfort tu.

Colossians 1:24

So, Ah ongl glad wen Ah kuda sofa fi unu iina mi bady, bikaaz den, Ah deh finish aaf weh lef a di sofarin weh Christ wehn hafy gaan chruu fi di chorch —weh dah ihn bady.

Hebrews 11:16

Bot insida dat, dehn wende luk fi wan beta huom op iina hevn. Dat dah wai God neva shiem a dem wen dehn kaal him fi dem God, bikaaz him aredy gat wan sity redy fi dem iina hevn!

Revelation 1:9

Ai dah John, unu breda, bikaaz wii dah wan wid Jesus Christ. Ahn Ah sofa wid unu tu sieka wi deh fala Christ iina ihn Kingdom tugeda, bot God gi wi di strent fi bier'ih. Now, bikaaz Ai wende tel di pipl dem bout God Wod ahn di chruut bout Jesus, dehn put mi pahn dis ailant weh niem Patmos.