Matthew 20:21 - The New Testament in Islander Creole

²¹ So Jesus aks im, “Wat yo waahn Ah du fi yo?” So shii ansa ahn seh, “Wen yu sidong iina yo Kingdom, pramis mi seh mi two son dehn gwain sidong wid yo, wan dah yo rait said ahn wan dah yo lef fi help yu ruul.”

Matthew 20:21 Iomraidhean Croise

Matthew 18:1

So iina dah siem taim di disaipl dem gaan tu Jesus ahn seh, “So, huu dah di muos impuotant wan iina di Kingdom a Hevn?”

Matthew 19:28

Jesus seh tu dem, “Ah deh tel unu di chruut: wen di Son a Man kom sidong pahn ihn gluoryos chruon fi ruul, wen God mek aal tingz nyuu, aala unu weh wehn fala mi gwain sidong pahn twelve chruon fi joj di twelve traib a Israel.

Matthew 20:22

Bot Jesus ansa dem seh, “Unu no nuo wat unu deh aks fah! Unu biliiv unu kyan drink outa di siem kop a sofarin weh Ai hafy drink outa?” Dehn ansa im, “Yees, wii kyan du'ih.”

Matthew 20:32

Den Jesus stap, so kaal dem, ahn aks, “Dah weh unu waahn Ah du fi unu?”

Mark 10:51

Jesus aks im, “Dah weh yo waahn Ah du fi yo?” Ihn ansa, “Tiicha, Ah waahn get fi si agen!”

Mark 16:19

Ahn afta di Laad Jesus don taak tu ihn disaipl dem, ihn get ker'op dah hevn ahn den ihn sidong pahn God rait said.

Mark 6:22

Herodias daata kom iin ahn daans fi dem weh wende roun di tiebl wid Herod, ahn evrybady wehn laik ih. So, Herod wehn so glad ihn pramis di gyal ahn tel im seh, “Weh yu waahn? Ah wi gi'yo enyting weh yu waahn.”

Luke 18:41

“Dah wada yo waahn Ah du fi yo?” Di man ansa im seh, “Laad, Ah waahn get fi si agen.”

Luke 19:11

Wail dehn wende hier dis, Jesus tel dem wan parabl, bikaaz ihn wehn deh nier tu Jerusalem ahn di pipl dem wende tink seh God wehn gwain kom fi ruul uova Israel dah siem taim.

Luke 22:24

Den dehn staat aagyo mongs dehnself dah wish wan a dem dah wehn di muos impuotant wan.

John 15:7

If unu stie jain aan tu mii, ahn aal weh Ah tiich unu stie iina unu haat, den enyting weh unu aks fah unu gwain get.

Acts 1:6

Wan neks die, wen di disaipl dem wehn kom tugeda wid Jesus, dehn aks im seh, “Laad, yuu gwain frii wi Israel pipl ahn gi wi bak fi wi kingdom now?”

Romans 12:10

Unu fi lov wan anada laik pipl weh dah fi di siem famaly; ahn bii hapy fi shuo plenty rispek tu aala unu Kristyan breda ahn sista dem.

Romans 8:34

Nonbady kyaahn kandem unu fi sin, bikaaz Christ Jesus dah di Wan weh don ded fi wi, ahn dah him dah di Wan weh God riez'op bak fahn di ded fi liv agen, ahn mek im sidong pan ihn rait han said, weh paat Christ deh prie haad fi wii aal di taim!

Colossians 3:1

Bredrin, wen God wehn riez'op Jesus Christ, unu wehn get riez'op wid him tu. So den, unu fi set unu haat pahn di tingz weh deh iina hevn weh paat Christ deh sidong pahn ihn chruon —di muos impuotant siit bai God rait han said!