Matthew 19:29 - The New Testament in Islander Creole

²⁹ Ahn evrybady weh lef dehn huom, or dehn breda or sista dem, or dehn pupa or muma, or dehn pikniny, or dehn lan jos sieka fi fala mii gwain get wan hundred taim muo an weh dehn wehn gat; ahn muo an dat, dehn gwain get fi liv fareva.

Matthew 19:29 Iomraidhean Croise

Matthew 10:22

Ahn evrybady gwain hiet unu sieka unu chros ahn fala mii. Bot enywan a unu weh kiip ihn fiet tu di en, gwain get siev.

Matthew 13:23

Bot laik di siid weh drap pan gud grong, dis ada man dah di wan weh hier di mesij ahn andastan weh ih miin. Den ihn put'ih iina praktis, ahn bring op gud tingz aal di taim. Laik di trii weh bier fruut one hundred taim, sixty taim or thirty taim, evrybady weh du laik him gwain du beta ahn beta aal di taim.”

Matthew 13:8

Ahn som ada siid drap pan gud grong; ahn dem sprout op, ahn gruo strang ahn bier plenty fruut. Som a di trii dem wehn gat aan one hundred, som sixty, ahn som a dem thirty taim muo an weh ihn wehn plaant!

Matthew 16:25

Bikaaz enybady weh waahn siev ihn uon laif gwain luuz ih, bot enybady weh wi risk ihn uon laif jos fi mi, gwain fain ih.

Matthew 19:16

Rait afta dat wan man kom op tu Jesus ahn seh, “Tiicha, wish kain a gud tingz Ah hafy du fi gat laif fareva?”

Matthew 25:34

Den di king gwain seh tu dem pahn di rait, ‘Kom, unu weh mi Faada wehn bles; kom get di Kingdom weh di Laad pripier fi unu fahn wen ihn fos mek di worl.

Matthew 25:46

“Demya pipl gwain get ponish fareva, bot di raichos pipl dem gwain liv gud wid God fareva.”

Matthew 5:11

“So den, unu bles, wen dehn insolt unu, kiip unu dong, ahn seh aal kain a bad ting bout unu weh dah no so, jos sieka unu du weh Ah seh.

Matthew 6:33

So, put God Kingdom work fos iina unu laif, ahn du weh gud iina ihn sait; den unu gwain get aal demde tingz tu.

Luke 14:26

“If enywan a unu kom tu mi, ahn no lov mi muo an how unu lov unu pupa ahn muma, waif ahn pikniny, breda ahn sista, dongtu unu uon laif, unu kyaahn bii mai disaipl.

Luke 5:11

So dehn pul dehn buot bak pan di shuor, lef evryting, ahn dehn gaan wid Jesus.

Luke 6:22

“Ahn unu gwain get bles wen dehn hiet unu, ahn rijek unu, ahn insolt unu, ahn dehn seh unu uova bad jos sieka unu chros iina di Son a Man.

John 15:19

If unu wehn dah fi disa worl, den di pipl fahn disa worl wi lov unu jos laik how dehn lov dehn uon. Bot unu dah no fi disa worl, bikaaz Ai don pik unu fahn outa di worl, ahn dat dah wai dehn hiet unu.

John 4:36

Lisn! Di wan, weh deh gyada di tingz dem weh wehn plaant, deh get ihn pie aredy; ihn deh gyada fruut aredy fi laif weh no gwain don nontaim ataal. So den, di wan weh plaant ahn di wan weh gyada kyan rijais tugeda.

Acts 9:16

Ahn mii miself gwain shuo im ho moch ihn gwain sofa fi mek di pipl dem nuo dah huu mi.”

1 Corinthians 2:9

Bot jos laik how di Skriptyo gat'ih rait dong ahn seh: “Nonbady neva si, ahn nonbady neva hier, ahn nonbady neva yet imajin, aal weh God gat plan fi demde pipl weh lov him.”

2 Corinthians 5:16

So now, bredrin, wi no joj nonbady laik how pipl weh dah no biliiva, wuda joj dem. Ahn iivn duo wi yuuztu joj Christ laik dat, wi no du dat agen.

Philippians 3:8

Ahn, wen Ah tink bout how ih so gud fi nuo Christ Jesus az mi Laad, Ah luk pahn evryting els laik dehn dah no notn. Sieka Christ, Ah don weh wid evryting els, ahn Ah luk pahn aala demde tingz laik robij so Ah kyan gat him aluon!

1 Peter 4:14

So den, kount'ih wan blesin wen dehn insolt unu bikaaz unu dah wan biliiva iina Christ. Dis shuo seh God Spirit deh wid unu!

3 John 1:7

Dah sieka Christ niem demya breda gaan out pahn dehn trip fi du ihn work, ahn dehn neva tek notn fahn dehn pipl weh stil yet no nuo God.