Matthew 19:16 - The New Testament in Islander Creole

¹⁶ Rait afta dat wan man kom op tu Jesus ahn seh, “Tiicha, wish kain a gud tingz Ah hafy du fi gat laif fareva?”

Matthew 19:16 Iomraidhean Croise

Matthew 19:15

Den afta ihn don put ihn han pahn aala dem ahn bles dem, ihn gaan fahn deh.

Matthew 19:26

So Jesus luk striet pahn dem ahn seh, “Wat impasabl fi man, no impasabl fi God.”

Matthew 19:29

Ahn evrybady weh lef dehn huom, or dehn breda or sista dem, or dehn pupa or muma, or dehn pikniny, or dehn lan jos sieka fi fala mii gwain get wan hundred taim muo an weh dehn wehn gat; ahn muo an dat, dehn gwain get fi liv fareva.

Matthew 25:46

“Demya pipl gwain get ponish fareva, bot di raichos pipl dem gwain liv gud wid God fareva.”

John 10:28

Ah gi dem laif weh gwain laas fareva, ahn dehn no gwain ded nontaim ataal. Ahn nonbady no gwain grab dem outa mi han.

John 12:25

So, aala dem weh lov dehn laif iina disa worl, gwain end'op deh luuz ih; ahn dem weh no deh trai heng aan tu dehn laif, gwain end'op deh kiip'ih ahn liv fareva.

John 3:15

so enybady weh chros iina him gwain liv fareva wid God.

John 4:14

Bot dem weh jrink fahn di waata weh Ah gwain gi dem, no gwain get torsty agen. Di waata weh Ah gwain gi dem gwain deh stuor op iina dehn haat jos laik dem waata spring weh paat di waata neva stap ron. Ahn dis waata gwain mek dem liv gud wid God fareva.”

John 5:39

“Unu stody di Skriptyo bikaaz unu tink seh unu gwain fain out how fi liv fareva; ahn dah demde siem Skriptyo weh taak bout mii.

John 6:47

“Ah deh tel unu di chruut: enybady weh chros iina mii, don gat di laif aredy weh no gwain don nontaim ataal.

John 6:68

Simon Peter ansa ahn seh, “Laad, dah huu els wi gwain tu? Dah yuu weh gat di wod dem weh gi riil laif weh no gwain don nontaim ataal.

Acts 16:30

Den, ihn ker dem outa di sel ahn aks dem, “Saar, dah weh Ah hafy du fi get siev?”

Romans 2:7

Now, fi demde pipl weh kiip aan deh du gud ahn deh luk tu God fi ihn priez ahn ana —fi demde pipl weh waahn laas fareva— dah tu demde kain a pipl, God gwain gi laif weh neva gwain en nontaim.

Romans 5:21

God deh shuo wi ihn gries, so dat jos laik how sin wehn gat di powa fi mek evrybady ded, siem wie so, ihn gries gat di powa fi mek wi get laif weh neva gwain en nontaim, now wen God don mek evryting rait bitwiin wii ahn him chruu weh di Laad Jesus Christ wehn du.

1 Timothy 1:16

Bot God wehn gat morsy pahn mi, so dat ihn kuda shuo seh, if Christ Jesus bier'op wid mi weh wehn sin muo an aal di res a dem, den ihn gwain kyan bier'op wid ada pipl laik mii weh gwain kom fi chros iina him tu. Ahn so ihn gwain gi dem laif weh neva gwain don nontaim.

1 Timothy 6:12

Trai az haad az yo kyan fi du yo bes wail yo deh fait di gud fait a di fiet, ahn huol aan faas tu dat laif weh neva gwain don nontaim ataal. Bikaaz God wehn kaal yu tu dat laif, pahn dah die wen yu wehn taak bout yo fiet iina Jesus Christ out iina di uopm fronta plenty pipl.

1 Timothy 6:19

If dehn du dat, demya pipl gwain pail op plenty richiz fi demself, weh gwain mek dem redy fi di fyutyo. Ahn demya pipl gwain win datde laif weh dah di chruu laif.

Titus 1:2

Den, dehn kyan luk ahed tu di laif weh gwain laas fareva ahn eva. Dah God ihnself —weh no tel non lai— huu don pramis fi gi wi dah laif fahn bifuor di worl wehn mek!

Titus 3:7

So, sieka ihn gries, wi get fi deh rait wid God, ahn wi gat di laif weh no gwain don nontaim ataal!

1 John 1:2

Dah Wan, weh gi laif, apier'op iina dis worl ahn wii don si'im aredy. Ahn now wi deh tel unu seh dah him dah di Wan weh gi dah laif weh neva gwain don nontaim ataal. Him wende wid God di Faada, ahn God shuo wii im.

1 John 2:25

Ahn dis dah weh di Son ihnself pramis wi seh, wi laif no gwain don nontaim ataal!

1 John 5:20

Ahn wi nuo tu seh, di Son a God don kom ahn ihn gi wi andastandin fi wi kyan nuo di chruu God. Ahn wii liv iina di Wan weh dah chruu, weh dah ihn Son, Jesus Christ ihnself. Dah him dah di chruu God, ahn dah him dah laif weh no gwain don nontaim ataal.

Jude 1:21

Kiip unuself iina di lov a God. Luk ahed pahn di morsy a fi wi Laad Jesus Christ, weh mek wi gat laif weh gwain laas fareva.