Matthew 19:14 - The New Testament in Islander Creole

¹⁴ Bot Jesus seh, “Mek di likl pikniny dehn kom upaa Ah deh, ahn no henda dem fi kom, bikaaz di Kingdom a Hevn dah fi pipl laik dem.”

Matthew 19:14 Iomraidhean Croise

Matthew 11:25

Iina dah siem taim Jesus seh, “Ah tank yuu, Faada, Laad iina hevn ahn pahn ort, bikaaz yo kiip di chruut bout di Kingdom fahn di pipl dem weh tink seh dehn waiz ahn dem weh seh dehn nuo bout demya tingz, bot yo shuo dem tu di aadinary pipl.

Matthew 18:3

Ahn ihn seh tu dem, “Hier dis chruut weh Ah deh tel unu: if unu no chienj unu wiez ahn stan laik di likl pikniny dem, unu no gwain get iina di Kingdom a Hevn.

Matthew 19:15

Den afta ihn don put ihn han pahn aala dem ahn bles dem, ihn gaan fahn deh.

Matthew 5:10

Ahn dem weh dehn trai kiip dong jos sieka dehn du gud, bles tu; bikaaz di Kingdom a Hevn dah fi dem.

Matthew 5:3

“Dem weh puor iina spirit, bles; bikaaz di Kingdom a Hevn dah fi dem!

Mark 10:14

Wen Jesus nuotis wat di disaipl dem wende du, ihn get beks wid dem ahn seh, “Mek di likl pikniny dehn kom upaa Ah deh, ahn no henda dem fi kom, bikaaz God Kingdom dah fi pipl laik dem.

Mark 10:15

Hier dis chruut weh Ah deh tel unu: Enybady huu no kom tu God laik likl pikniny, no gwain get iina ihn Kingdom.”

1 Corinthians 14:20

Bredrin, unu no fi tink laik pikniny. Yees, unu kyan bii laik pikniny wen ih kom tu nuo bout wikid tingz, bot unu shuda bii laik big pipl wen ih kom tu how unu shuda tink bout gud tingz!