Matthew 18:3 - The New Testament in Islander Creole

³ Ahn ihn seh tu dem, “Hier dis chruut weh Ah deh tel unu: if unu no chienj unu wiez ahn stan laik di likl pikniny dem, unu no gwain get iina di Kingdom a Hevn.

Matthew 18:3 Iomraidhean Croise

Matthew 13:15

Bikaaz demya pipl haat no redy ataal, ahn dehn iez haad. Dehn lak'op dehn ai fi dehn kyaahn si, ahn dehn iez fi dehn kyaahn hier, ahn dehn haat fi dehn kyaahn andastan, bikaaz if dehn wehn lisn, den dehn wuda ton tu God, ahn ihn wuda paadn dehn sin dem.’ ”

Matthew 18:2

Ahn Jesus kaal wan likl pikniny ahn put im fi stan op fronta dem.

Matthew 18:4

Enybady weh ombl ihnself laik dis likl pikniny, him dah di bigis iina di Kingdom a Hevn,

Matthew 19:14

Bot Jesus seh, “Mek di likl pikniny dehn kom upaa Ah deh, ahn no henda dem fi kom, bikaaz di Kingdom a Hevn dah fi pipl laik dem.”

Matthew 19:23

Den Jesus seh tu ihn disaipl dem, “Hier dis chruut weh Ah deh tel unu: ih uova haad fi sombady weh rich fi get iina di Kingdom a Hevn.

Matthew 5:18

Bikaaz Ah deh tel unu di chruut: til hevn ahn ort no disapier, nat iivn wan a di smaalis spek gwain don weh wid outa di Laa, til evryting God waahn du chruu'ih, don hapm.

Matthew 5:20

Bikaaz Ah deh tel unu: if unu no bihiev beta an di tiicha a di Laa ahn di Pharisee pipl dem, unu nontaim gwain get fi go iina di Kingdom a Hevn!

Matthew 6:16

“Enytaim unu faas, no mek'op unu fies laik if unu sad laik di hipokrit dehn du. Bikaaz dehn wi put dehn fies laik puor ting fi ada pipl biliiv dehn deh faas. Ah deh tel unu di chruut: dehn no gwain get no muo priez an weh dehn don gat!

Matthew 6:2

“So enytaim unu deh gi somting tu di puor pipl dem, du'ih fahn unu haat, ahn no du'ih laik how di hipokrit dehn du weh mek wan paila naiz iina di sinigag ahn pan di ruod jos fi di pipl dehn si weh dehn gwain du ahn priez dem. Ah deh tel unu di chruut: dehn no gwain get no muo priez an weh dehn don gat!

Matthew 6:5

“Ahn enytaim unu deh prie, no bii laik how di hipokrit dehn du iina di sinigag ahn lang di kaana dem pan di ruod jos fi di pipl dehn si dem. Ah deh tel unu di chruut: dehn no gwain get no muo priez an weh dehn don gat!

Mark 4:12

Jos how Isaiah wehn seh, ‘Dehn gwain luk, ahn no si notn. Ahn dehn gwain hier, ahn no andastan notn. Bikaaz, if dehn du dis, dehn wuda ton tu God, ahn ihn wuda paadn dehn sin.’ ”

Luke 13:24

“Di duo fi go iina hevn naro, so beta trai du aal weh yo kyan du fi get iin. Plenty pipl gwain trai fi go iin, bot dehn gwain kyaahn du'ih.

Luke 22:32

Bot Ai don prie fi yo, so yo fiet no gwain fiel yo. Ahn wen yo ton bak tu mi agen, help yo breda dem fi dehn fiet get stranga tu.”

John 1:51

Den Jesus seh, “Ah deh tel unu di chruut: unu gwain si hevn uopm op, ahn si God ienjel dem deh go'op ahn dong roun di Son a Man.”

John 3:3

Jesus ansa ahn seh, “Hier dis chruut weh Ah deh tel yo: nonbady kyaahn bii wan paat a God Kingdom eksep dehn baan agen.”

John 3:5

Jesus tel im, “Hier dis chruut weh Ah deh tel yo: nonbady kyaahn bii wan paat a God Kingdom eksep dehn baan chruu waata, ahn chruu di Holy Spirit.

Acts 14:22

Dehn gaan, gaan strentn ahn inkorij di biliiva dem fi dehn stan op strang fi dehn fiet. Ihn tel dem seh, “Wi hafy sofa plenty trobl iina disya laif fi go iina God Kingdom.”

Acts 28:27

bikaaz disya pipl dehn haat tuu haad, ahn dehn iez get def, ahn dehn ai dehn shet op. Bot, if dehn kuda du demde tingz, dehn wuda kom tu mi ahn Ah wuda kyuor dem.” ’

Acts 3:19

So, unu hafy ton fahn unu sin ahn kom bak tu God, so ihn kyan tek weh aala unu sin dem. Den, sieka weh di Laad deh wid unu, ihn gwain kyan sen som taim fi get strent iina him tu unu suol.

1 Corinthians 14:20

Bredrin, unu no fi tink laik pikniny. Yees, unu kyan bii laik pikniny wen ih kom tu nuo bout wikid tingz, bot unu shuda bii laik big pipl wen ih kom tu how unu shuda tink bout gud tingz!

1 Peter 2:2

Insida dat, siem laik how dehn nyuu baan bieby no waahn notn els eksep dehn muma milk, unu fi tek God Wod laik milk ahn drink'ih plenty taim so ih kyan mek unu gruo iina unu salvieshan;

2 Peter 1:11

Den, wen di prapa taim kom, God gwain uopm di giet dem a hevn waid, so unu kyan go iina di Kingdom a fi wi Laad ahn Sievya Jesus Christ, weh gwain laas fareva ahn eva.