Matthew 18:15 - The New Testament in Islander Creole

¹⁵ “If yo breda sin gens yo, golang ahn fies im wail di two a unu deh bai unuself. If ihn hier weh yo deh tel im, yo kyan shuor seh yo win bak yo breda.

Matthew 18:15 Iomraidhean Croise

Matthew 18:14

Dah jos rait so, yo Faada iina hevn no waahn wan a demya likl wan get laas.

Matthew 18:21

Den Peter kom op tu Jesus ahn aks im, “Laad, ho moch taim mi breda fi sin gens mi ahn Ah fi paadn im? Seven taim?”

Matthew 18:35

Den Jesus seh tu dem, “Dis dah how mi Faada iina hevn gwain triit unu if unu no paadn unu breda dem fahn dong iina unu haat.”

Romans 12:21

So den, unu weh dah mi fren dem, unu no fi mek wikidnis get di bes a unu. Bot reda, unu fi win uova wikidnis bai di gud weh unu du!

1 Corinthians 8:12

Wen unu du dat, ih dah laik unu deh sin gens unu breda, ahn unu deh haam im, bikaaz unu deh inkorij im fi du weh ihn tink no rait fi him du. Dat miin seh unu deh sin gens Christ.

2 Corinthians 7:12

So den, bredrin, dat dah di riizn wai Ah wehn rait tu unu iina di fos plies. Dah neva fi paint out huu wehn du rang, nar huu wehn get rang du tu dem. Ah wehn rait tu unu so Ah kuda mek'ih klier-klier tu unu —iina God sait— ho moch unu kier fi wi.

Galatians 6:1

So, bredrin, if enybady slip ahn du somting rang, unu weh di Holy Spirit deh kanchruol, fi help im get bak pahn di rait trak. Ahn mek shuor seh unu du'ih iina wan gud ahn piisful wie. Unu fi main unuself fi no get iina temtieshan ahn faal iina som sin tu.

Colossians 3:13

Unu fi aalwiez bier'op wid wan anada, ahn if enybady du unu enyting bad, fargiv dem. Ahn jos laik how di Laad wehn fargiv unu, rait so unu shuda fargiv wan anada tu!

1 Thessalonians 4:6

Ahn wan nada ting, non a unu fi tek advantij a eny biliiva, nar du eny rang tu im wen ih kom tu demya mataz. Wi wehn tel unu dis mesij aredy, ahn wi deh waan unu agen seh, di Laad gwain ponish enybady weh du demya tingz.

2 Thessalonians 3:15

Bot unu no fi triit dem laik dehn dah unu enimy. Insida dat, waan dem jos laik how unu wuda waan wan breda or sista.

Titus 3:10

So, kansaanin demde kain a pipl weh laik mek trobl ahn kaaz divizhan, waan dem at liis wan or two taim; ahn afta dat, no gat notn muo fi du wid dem.

1 Peter 3:1

Siem wie, evry wan a unu marid uman fi put unu hozban fos. Den, if som a unu hozban no biliiv God Wod, unu kyan win im uova fi biliiv jos bai di wie unu bihiev. Unu no gwain iivn hafy seh wan wod tu im,