Matthew 18:10 - The New Testament in Islander Creole

¹⁰ “Mek shuor seh unu no luk dong pahn wan a demya likl wan laik dem weh no impuotant, bikaaz Ah deh tel unu di chruut: Op iina hevn fi dem ienjel aalwiez deh luk pahn di fies a mi Faada weh dedeh.

Matthew 18:10 Iomraidhean Croise

Matthew 1:20

Bot wehn ihn staat tink pan demde tingz, ihn wehn gat wan driim weh wan a di Laad ienjel kom tu him ahn seh, “Joseph, David son, no fried fi marid Mary, bikaaz di bieby weh ihn gwain gat dah sieka di Holy Spirit powa.

Matthew 12:20

Ihn no gwain bii rof wid dem weh wiik, nar wid dehn weh helplis, til ihn mek shuor seh weh God waahn du riily hapm.

Matthew 18:14

Dah jos rait so, yo Faada iina hevn no waahn wan a demya likl wan get laas.

Matthew 18:6

“Bot if enybady kaaz wan a demya likl wan weh chros iina mi fi sin, ih wuda beta fi im if dehn tai wan big rak roun ihn nek ahn chruo im iina di batam a di sii.

Matthew 2:13

Afta di waiz man dem gaan bak huom, wan a God ienjel apier'op pahn Joseph iina wan driim ahn tel im seh, “Get'op, tek di bieby ahn ihn muma; mikies go dah Egypt lan. Ahn stie deh til Ah tel yo, bikaaz Herod gwain trai fi fain di bieby fi kil im.”

Matthew 2:19

Afta Herod ded, wail Joseph wehn deh iina Egypt lan, wan a di Laad ienjel apier'op tu im iina wan driim ahn seh,

Matthew 24:31

Ahn ihn gwain sen out ihn ienjel dem wid wan big trompit ahn dehn gwain gyada tugeda dem weh God don chuuz fahn aal uova di worl, fahn wan en tu di ada en.

Luke 1:19

Di ienjel tel im seh, “Ai dah Gabriel, ahn Ai deh iina God presens. Ihn sen mi fi taak tu yo ahn fi tel yo dis gud nyuuz.

Luke 10:16

Den ihn tel di disaipl dem, “Enybady weh hier unu, hier mi tu. Bot if dehn rijek unu, den dehn rijek mii tu. Ahn enybady weh rijek mi, rijek di wan weh sen mii.”

Luke 16:22

“Wel, ih hapm seh di puor man ded, ahn di ienjel dem ker im saida Abraham. Den di rich man ded tu, ahn dehn ber im.

Acts 10:3

Now, roun three aklak wan iivnin, Cornelius wehn get wan vizhan fahn God, ahn iina dis vizhan wan ienjel kom iina ihn ruum ahn seh tu im, “Cornelius!”

Acts 12:15

“Yuu mosy mad,” dehn tel im. Bot ihn kiip deh insis, “Nuo sah, dah chruut!” So dehn seh, “Den, dat dah mosy Peter ienjel!”

Acts 12:23

Den, aalava sodn wan a God ienjel mek Herod get uova sik, ahn worm staat iit out ihn iinsaid, ahn rait dehso ihn ded, bikaaz ihn neva gi God di gluory!

Acts 27:23

Ah nuo dis bikaaz laas nait wan ienjel fahn di God, weh Ah bilang tu ahn weh Ah sorv, stan nier mi ahn tel mi seh,

Acts 5:19

Bot iina di nait wan ienjel fahn di Laad kom uopm di jiel duo ahn ker dem out. Afta ihn ker dem out, ihn tel dem seh,

Romans 14:10

So, non a unu shuda joj unu breda. Ahn non a unu shuda tink seh unu muo beta an unu breda. Bikaaz aala wi gwain stan op fronta God weh gwain joj wi.

Romans 14:21

So den, unu no fi iit miit, nar jrink wain, nar du notn els weh gwain mek unu breda sin.

Romans 15:1

Now bredrin, wii weh stan strang iina God wiez, shuda help demde biliiva weh no strang yet. Wi no fi jos du weh wi waahn fi wiself!

1 Corinthians 11:22

Weh hapm pipl? Unu no gat hous fi iit ahn jrink iina? Wen unu du dat, unu deh disrispek God chorch plenty, ahn shiemin di pipl dem weh no gat notn tu. So den, weh Ah fi seh tu unu? Unu waahn Ah priez unu fi dat? Nuo sah, nat ataal!

1 Corinthians 16:11

Ahn no mek nonbady luk dong pan im. Bot, unu fi sen Timothy pahn ihn wie iina piis, so dat ihn kyan kom bak tu mi, bikaaz Ah deh luk ahed fi si'im suun, lang wid di ada breda dem.

1 Corinthians 9:22

Ahn wen Ah deh wid dehn pipl weh wiik iina dehn fiet, mii wiik tu, so Ah kyan mek dem weh wiik kom fi nuo Christ. So den, jos laik Ai si how evrybady deh liv, Ai chienj how Ai liv fi suut dem. Ahn Ai du dat, so Ah kyan win dem uova fi Christ.

2 Corinthians 10:1

Now, Ah hier seh, som pipl mongs unu seh Ai wiik wen Ah dedeh wid unu, ahn strang ongl wen Ah deh faar fahn unu! Bot Ai, Paul, deh beg unu iina di niem a Christ weh kain ahn ombl: Unu no fi push mi fi get rof wid eny a unu wen Ah kom ahn si unu fies tu fies. Bikaaz, Ah shuor seh Ah kyan taak haad tu demde pipl deh, weh deh seh mii ahn mi fren dem ongl go aan laik aadinary pipl iina disya worl ahn notn muo an dat!

2 Corinthians 10:10

Bot som pipl seh, “Paul strik ahn strang iina ihn leta dem, bot wen ihn deh wid wi iina porsn, ihn wiik ahn ihn wod dem no miin notn ataal.”

Galatians 6:1

So, bredrin, if enybady slip ahn du somting rang, unu weh di Holy Spirit deh kanchruol, fi help im get bak pahn di rait trak. Ahn mek shuor seh unu du'ih iina wan gud ahn piisful wie. Unu fi main unuself fi no get iina temtieshan ahn faal iina som sin tu.

1 Thessalonians 4:8

So den, if unu no waahn obie disya tiichin, dah no wii unu deh go gens, bot dah God unu deh ton unu bak pan —di Wan weh wehn gi unu ihn Holy Spirit!

1 Timothy 4:12

Yu no fi mek nonbady luk dong pahn yu bikaaz yu yong. Insida dat, yu fi shuo demya pipl weh chros iina Christ di wie dehn shuda bihiev, bai how yu yoself deh taak, how yu deh stan op fi di gud ting dem, how yu deh lov pipl, how yu deh chros iina Christ, ahn how yu deh liv wan kliin laif.

Hebrews 1:14

Unu si seh di ienjel dem dah spirit ahn dehn dedeh fi sorv God. God deh sen dem fi help di pipl dem weh him gwain siev.

Hebrews 9:24

Bikaaz, Christ neva gaan iina wan huoly plies weh hyuuman mek, weh dah wan kapy a di riil wan. Nuo sah, ihn gaan iina hevn ihself, fronta God, fi taak'op fi wii!

Revelation 8:2

Den, Ah si di seven ienjel dem weh wende stan op fronta God. Ahn sombady kom ahn gi dem seven trompit.