Matthew 17:2 - The New Testament in Islander Creole

² Ahn az dehn wende luk pahn Jesus, ihn huol bady chienj fronta dem: ihn fies staat shain laik di son, ahn ihn kluoz get uova wait ahn brait laik di lait.

Matthew 17:2 Iomraidhean Croise

Matthew 17:1

Six diez afta, Jesus tek Peter, James, ahn ihn breda John, ahn ker dem wid im op pahn wan hai mountin weh paat nonbady els wehn deh bot dem.

Matthew 17:3

Den aalava sodn Moses ahn Elijah apier'op, ahn staat taak tu Jesus.

Matthew 28:3

Di ienjel wehn luk jos laik wan laitnin; ihn kluoz wehn uova wait laik snuo.

Mark 9:3

ihn kluoz get uova wait ahn brait, waita an weh enybady pan ort kuda wash dem.

Luke 9:29

Ahn wail Jesus wende prie, ihn huol fies chienj so ihn luk difrent, ahn ihn kluoz get uova wait ahn brait.

John 1:14

So, di Wod ton hyuuman ahn ihn kom, kom liv mongs wi. Ahn wii wiself wehn si wid wi uon two ai how ihn wandaful, fi huu gluory kom bikaaz ihn dah di Wan ahn ongl Son a God. Dah him weh shuo wi plenty kainis ahn lov weh wi no dizorv, ahn ihn tel wi di chruu mesij fahn God.

John 17:24

“Faada, weh Ah waahn dah fi yo mek dem falowa, weh yu don gi mi aredy, deh dah di siem plies weh Ah gwain deh, so dehn kyan si mi gluory. Dah yuu wehn gi mi disa powa, bikaaz yuu wehn lov mi fahn bifuor di worl wehn iivn mek.

Romans 12:2

Unu no fi liv laik demde pipl iina disya worl. No du weh dehn du nontaim. Insida dat, unu fi mek God chienj di wie unu tink, so dat evryting weh unu du, kyan chienj tu. Den, dat gwain mek unu nuo weh God waahn, weh gud ahn weh gwain pliiz im. Ahn unu gwain nuo egzakly how unu shuda liv.

Revelation 10:1

Afta dat, Ah si wan nada powaful ienjel deh kom dong fahn outa hevn. Ahn wan kloud wehn kova im jos laik kluoz, ahn wan rienbuo wende roun ihn hed tu. Ihn fies wehn shain laik di son, ahn ihn fut dem dah wehn laik faiya ahn dehn wende stan op striet laik two puos.

Revelation 20:11

Den, Ah si wan big wait chruon ahn di Wan weh wende sidong pan ih. Ahn di ort ahn di skai jos disapier fahn fronta dah Wan pahn di chruon, ahn nonbady neva si dem no muo!