Matthew 16:27 - The New Testament in Islander Creole

²⁷ Di Son a Man gwain kom wid ihn ienjel dem iina ihn Faada gluory, ahn ihn gwain gi evrybady wat dehn merit aafa wat dehn don du.

Matthew 16:27 Iomraidhean Croise

Matthew 13:41

Di Son a Man gwain sen out ihn ienjel dem, ahn dehn gwain pik op outa ihn Kingdom evrybady weh du rang ting or mek ada pipl sin,

Matthew 13:49

Dah rait so tingz gwain hapm iina di laas diez a dis worl. Di ienjel dem gwain go out ahn separiet di bad wan dem fahn mongs dem weh gud iina God sait,

Matthew 24:30

Den di sain weh dah di Son a Man, gwain apier'op iina di skai, ahn aal di traib dem pahn di ort gwain hala wen dehn si di Son a Man deh kom bak pahn hevn kloud dem wid plenty powa ahn gluory.

Matthew 25:31

“Wen di Son a Man kom iina ihn gluory wid aal ihn ienjel dem, ihn gwain sidong pahn ihn gluoryos chruon.

Matthew 26:64

Jesus seh tu im, “Dah yu yoself deh seh Ai dah him, bot Ah deh tel unu seh, fahn rait now unu kyan staat luk fi si di Son a Man deh sidong dah di plies a ana saida di Aalmaity. Ahn unu gwain si'im deh kom bak dong iina di kloud fahn hevn.”

Matthew 8:20

Jesus tel im, “Di faks dem gat huol ahn di bord iina di skai dem gat nes, bot di Son a Man no gat no weh fi put ihn hed.”

Mark 14:62

Jesus ansa ahn seh, “Mii dah Him; ahn unu gwain si di Son a Man deh sidong dah di plies a ana, weh deh dah di rait han saida di Aalmaity. Ahn unu gwain si'im deh kom bak dong iina di kloud fahn hevn.”

Mark 8:38

So, if enybady shiem a mii ahn weh Ah tiich iina demya on'fietful ahn wikid taim, den di Son a Man gwain shiem a dem tu, wen ihn kom bak tu ort iina ihn Faada gluory wid di huoly ienjel dem.”

Luke 21:27

Den, dehn gwain si di Son a Man deh kom bak iina wan kloud wid plenty powa ahn gluory.

Luke 22:69

Bot fahn now aan di Son a Man gwain deh sidong dah di plies a ana, weh deh dah di rait han saida di Aalmaity God.”

Luke 9:26

So, if enybady shiem a mii ahn weh Ah tiich, den di Son a Man gwain shiem a dem tu, wen ihn kom bak tu ort iina ihn gluory, ahn di Faada gluory ahn di gluory a di huoly ienjel dem.

John 21:22

Jesus tel im, “If Ah waahn him liv til Ah kom bak, wat mek yu waahn nuo weh gwain hapm tu im? Weh yu fi du, dah fala mii.”

John 21:23

So wan taakin staat spred mongs di res a Jesus falowa dem seh, dah disaipl deh neva wehn gwain ded. Main, Jesus neva seh, dah disaipl neva wehn gwain ded, bot ihn wehn seh, “If Ah waahn him liv til Ah kom bak, weh mek yu waahn nuo weh gwain hapm tu im?”

Acts 1:11

Dehn seh, “Unu man fram Galilee lan, dah wai unu deh stan op deh, deh luk op iina hevn so? Dis siem Jesus weh God don tek op fahn mongs unu ahn get ker'op dah hevn; wel, ihn gwain kom bak di siem wie how unu jos si'im gaan op.”

Romans 14:12

So den, evry wan a wi gwain hafy gi akount tu God fi weh wi wehn du iina disya worl!

Romans 2:6

Bikaaz God aalwiez gi evrybady weh dehn dizorv fi evryting weh dehn du, weda gud or bad.

1 Corinthians 15:23

Lisn, evry wan a wi gwain riez'op bak iina aada: Jesus ihnself dah wehn di fos wan fi riez'op bak fahn di ded. Den, fi him pipl dem gwain riez'op bak wen di Laad kom bak.

1 Corinthians 3:13

Bot, wen Dat Die kom wen God gwain joj aal di pipl dem, evrybady gwain kyan si weh kain a work iich porsn wende du. Pahn Dat Die faiya gwain tes evrybady work, ahn ih gwain shuo jos weh kain a work iich porsn wende du.

1 Corinthians 8:8

Bot, wi nuo seh di fuud weh wi iit neva mek wi non beta iina God sait. Wi no gat notn fi luuz wid God, if wi no iit'ih; ahn wi no gat notn fi gien niida, if wi iit'ih.

2 Corinthians 5:10

Bikaaz aala wi gwain hafy stan fronta Christ fi mek im joj wi. Ahn den, iich wan a wi gwain get weh wi dizorv fi evryting weh wi wehn du iina dis laif, weda gud or bad.

Ephesians 6:8

Memba seh: Christ gwain gi evrybady dehn pie fi di gud work weh dehn du. Ihn no mek non difrens, if dehn dah sorvant or if dehn frii.

Colossians 3:25

Bot, if unu du weh rang, unu gwain get pie fi di rang weh unu du, bikaaz God no gat non fievarit nontaim!

1 Thessalonians 1:10

Dehn tel wi tu seh unu deh wiet pahn God Son fi kom fahn hevn —Jesus— weh God don riez'op bak fahn di ded, ahn now ihn deh siev wi fahn God raat weh gwain suun kom!

1 Thessalonians 4:16

Bikaaz pahn Dat Die, aal di pipl dem pahn ort gwain hier wan haad vais gi di komaan. Dehn gwain hier di vais a di hed ienjel, ahn ihn gwain bluo God trompit. Ahn den di Laad ihnself gwain kom dong fahn hevn. Ahn demya pipl, weh wehn ded —weh don chros iina Christ— dehn gwain riez'op fos!

James 5:7

Bot bredrin, unu fi bier'op pieshens til di taim wen di Laad kom bak. Luk how di faama hafy wiet fi di rien kom, wen ihn plaant out di siid dem. Ahn den ihn hafy wiet agen fi di rien kom, jos bifuor taim fi riip. Unu no si how pieshent ihn wiet fi di lan gi'im ihn gud krap? Ihn gat plenty pieshens.

1 Peter 1:17

Unu nuo seh God dah unu Faada, bot memba tu seh, ihn no gat non fievarit nontaim. Him gwain joj unu, or ihn gwain pie unu bai weh unu du. So den, spen di res a unu laif yah pahn ort, deh ana ahn rispek im!

1 John 2:28

Ahn now —unu weh dah mi pikniny dem— kantinyo deh bii wan wid Christ so dat, wen di Laad kom bak, unu gwain gat korij fi fies im, ahn unu no gwain hafy fiil shiem ahn haid fahn im pahn Dat Die.

Jude 1:14

Memba seh: Enoch dah wehn seven jinarieshan afta Adam, ahn ihn wehn prafisai bout demde kain a pipl, wen ihn seh: “Luk ahn si gud! Di Laad deh kom, wid thousands ahn thousands a ihn huoly ienjel dem.

Revelation 1:7

Ah deh tel unu seh Jesus gwain kom iina di kloud dem, ahn di pipl dem fahn aal di nieshan iina di worl gwain si'im —iivn dem weh straik im iina ihn said wid wan lans! Dehn gwain muon ahn hala fi weh dehn du im. Dah so ih gwain bii. Amen!

Revelation 2:23

Ah gwain straik shii falowa dem ded! Dat gwain mek aal di chorch dem nuo seh, Ai dah di Wan weh nuo aal weh dem tink iina dehn haat. Ah gwain gi iich wan a unu jos weh unu dizorv.

Revelation 20:12

Ahn den, Ah si di pipl dem weh wehn ded —demde pipl weh big, ahn demde pipl weh smaal —aala dem deh stan op fronta di chruon. Ahn den som buk get uopm op, weh inkluud di Buk a Laif. Ahn aala weh demde ded pipl wehn du bifuor dehn ded, wehn rait dong iina dah buk. Ahn God staat joj aala dem akaadn tu weh wehn rait dong iina dah buk.