Matthew 16:17 - The New Testament in Islander Creole

¹⁷ Den Jesus seh tu im, “If yuu wehn ongl nuo how bles yo bles, Simon, Jonah son! Bikaaz nonbady neva mek yo andastan dis; dah mi Faada iina hevn du'ih.

Matthew 16:17 Iomraidhean Croise

Luke 22:32

Bot Ai don prie fi yo, so yo fiet no gwain fiel yo. Ahn wen yo ton bak tu mi agen, help yo breda dem fi dehn fiet get stranga tu.”

John 1:42

Ahn Andrew ker Simon tu Jesus, ahn ihn luk pan im ahn seh, “Yuu dah Simon weh dah John son. Fahn now aan yo gwain niem Cephas.” (Cephas miin “Peter.”)

John 6:45

Laik weh di prafit dem wehn rait ahn seh: ‘God ihnself gwain tiich aala dem.’ So, enybady, weh wehn lisn tu di Faada ahn laan, gwain kom tu mii.

1 Corinthians 15:50

Unu weh dah mi fren dem, dis dah weh Ah miin fi seh tu unu: Dis bady weh dah flesh ahn blod kyaahn shier iina God Kingdom; ahn wat kyan ded, kyaahn liv fareva.

Galatians 1:16

Bot ih pliiz di Laad fi shuo mi huu dah ihn Son, so dat Ah kuda priich bout im tu aal demya pipl weh dah no Jew. Den, Ai neva ron gaan, gaan aks nonbady weh dehn tink bout eny a dis.

Ephesians 2:8

So, wen God siev unu, dah bikaaz dah fi him gries chruu di fiet weh ihn gi unu fi chros iina im. Dis no gat notn fi du wid unu ahn weh unu kuda du; ih dah wan gif fahn God aluon!

Ephesians 3:5

Now, God neva tel non a di pipl dem weh wehn liv datde taim bout dis plan yah. Bot, now di Laad don shuo disya plan tu ihn huoly apasl ahn prafit dem, chruu di Holy Spirit.

Ephesians 6:12

Bikaaz, wi no deh fait gens non pipl. Wii deh fait gens dehn powa weh wi kyaahn si —gens dehn wikid spirit dem weh deh liv hai op deh iina di ier. Wii deh fait gens di strang powa dem weh deh ruul uova di pipl dem weh no chros iina God, ahn gens demde powa weh gat atarity now iina disya daak taim weh wi deh liv iina.

Hebrews 2:14

So den, jos laik how di pikniny dem dah flesh ahn blod, Jesus baan iina di worl laik flesh ahn blod tu. Di chruut dah seh, dah ongl laik wan hyuuman ihn kuda wehn ded. Ahn ongl chruu deh ded, ihn kuda distrai di devl weh yuuztu gat powa uova det.

1 Peter 5:1

Now, Ah deh taak tu di chorch elda dem mongs unu. Mii dah wan elda tu ahn Ah dah wan wiknis ah weh Christ sofa, so Ah gwain shier iina ihn gluory weh ihn gwain shuo wi. Unu chorch eldaz, Ah deh beg aala unu

1 John 4:15

Ahn aal dem weh biliiv ahn seh wid dehn uon mout seh, Jesus dah di Son a God fi chruut, gat God deh liv iina dem ahn dem liv iina God!

1 John 5:20

Ahn wi nuo tu seh, di Son a God don kom ahn ihn gi wi andastandin fi wi kyan nuo di chruu God. Ahn wii liv iina di Wan weh dah chruu, weh dah ihn Son, Jesus Christ ihnself. Dah him dah di chruu God, ahn dah him dah laif weh no gwain don nontaim ataal.