Matthew 15:14 - The New Testament in Islander Creole

¹⁴ So no pie main tu weh dem tink! Dehn dah blain man weh waahn liid som muo blain man, ahn wen dehn du dat, di two a dem gwain drap iina wan huol!”

Matthew 15:14 Iomraidhean Croise

Luke 6:39

Den Jesus tel dem disa parabl: “Wan blain man kyaahn liid wan neks blain man. If dehn du dat, di two a dem gwain drap iina wan huol, no chruut?

John 9:39

Jesus seh, “Ah kom iina dis worl fi divaid op di pipl dem; so dem weh blain kyan si, ahn fi dem weh tink dehn kyan si, get blain.”

1 Timothy 6:5

Dah demya kain a pipl, weh no grii wid weh wi tiich, mek di pipl dem aagyo aal di taim, bikaaz dehn no tink rait. Dehn no tiich langa weh chruu bout Christ no muo, so di chruu tiichin don get tek weh fahn dem. Demde kain a pipl iivn tink seh dehn shuda sorv God jos fi get plenty mony!

2 Peter 2:1

Bot, jos laik how dehn wehn yuuztu gat dehn faals prafit iina Israel lan, dah di siem wie unu gwain gat faals tiicha mongs unu tu. Ahn dehn gwain kom wid som faals tiichin weh gwain mek demde pipl, weh hier ahn biliiv'ih, mash'op dehn fiet! Demya kain a tiicha gwain ton dehn bak pahn Christ, dehn Maasta, weh wehn set dem frii fahn di powa a sin. Ahn so, dehn gwain bring kwik distrokshan pahn dem uonself!

2 Peter 2:17

Ahn dem wikid pipl deh, dah siem laik wan wel weh no gat non waata iina it ataal. Dehn dah laik wan daak kloud weh deh shuo seh rien gwain kom, bot wan strang briiz bluo'ih weh, ahn so non rien neva kom. God deh kiip wan uova daak plies fi put demya kain a pipl iina!

Revelation 19:20

Bot dehn kech di biis ahn di faals prafit. Him dah di wan weh wehn du dehn mirakl fronta di biis. Wid demya mirakl ihn wehn fuul'op di pipl weh wehn gat di maak fahn di biis ahn weh wehn waaship ihn statyo. Ahn dehn pich di biis ahn di Faals Prafit alaiv iina wan liek wid faiya weh deh bon wid solfa.

Revelation 22:15

Bot, di wikid pipl dem weh dah laik daag, dehn gwain stie outsaida di sity. Demde dah dehn pipl weh deh du uobya, ahn demde pipl weh deh sliip roun, demde pipl weh deh kil, demde pipl weh deh waaship di aidal dem, ahn aala dehn pipl weh lov fi tel lai, ahn kiip aan deh tel lai!