Matthew 13:47 - The New Testament in Islander Creole

⁴⁷ “Hier mi agen, di Kingdom a Hevn dah laik wan big-big fishin net weh dehn chruo iina di sii fi kech aal kain a fish.

Matthew 13:47 Iomraidhean Croise

Matthew 13:44

“Di Kingdom a Hevn dah laik wan trezha weh wehn haid iina di grong, ahn wan man fain ih. Ihn wehn so glad, ihn kova ih op agen, ahn gaan, gaan sel aala weh ihn wehn gat fi bai daty grong.

Matthew 13:46

So, wen ihn fain di bes wan, ihn go ahn sel evryting weh ihn gat fi bai'ih.

Matthew 13:48

Ahn wen di net get ful, di fishaman dem gwain haal'ih op pahn di biich. Den dehn gwain sidong, saach fi di gud fish dem ahn chruo dem iina wan punpan, den dehn gwain chruo weh di bad fish dem.

Matthew 4:19

So Jesus tel dem, “Fala mi, ahn insida kech fish, Ah gwain mek unu kech pipl fi God Kingdom!”

Mark 1:17

Den Jesus hala tel dem, “Fala mi, ahn insida kech fish, Ah gwain mek unu kech pipl fi God Kingdom.”

Luke 5:10

Ahn Simon paadna dem, James ahn John, —Zebedee two son— dehn wehn sopraiz tu. Den Jesus seh tu Simon, “No fried, man; fahn now aan, insida kech fish, yuu gwain kech pipl fi God Kingdom.”

John 15:2

Evry lim weh jain aan tu mi ahn no deh bier fruut, him chap aaf, bot aala dem weh bier, ihn trim dem uova kliin so dehn kyan bier muo fruut.

John 15:6

Enybady weh no stie jain aan tu mii gwain bii jos laik dem lim weh dehn chruo weh ahn den drai op. Lim laik demde jos gud fi mek pipl gyada op ahn bon iina faiya.

Acts 20:30

Ih gwain kom tu di paint weh —rait fahn mongs unu— unu gwain gat som weh gwain twis'op di chruut fi trai win di biliiva dem pahn fi dehn said.

1 Corinthians 11:19

Ah nuo tu seh unu gwain gat divizhan mongs unu, bikaaz dat dah how unu gwain nuo huu dah di wan dem weh dah di chruu biliiva ahn huu no.

2 Corinthians 11:26

Ah wehn aalwiez deh travl, ahn so Ah wehn iina dienja fahn plenty riva tu. Ah wehn iina dienja fahn tiif, fahn mi uon pipl dem, ahn fahn demde pipl weh dah no Jew tu. Ah wehn iina dienja iina di sity, lang di kontry-said, ahn pahn di sii. Ahn Ah wehn iina dienja iivn fahn faals bredrin.

Galatians 2:4

Bot lietaraan dehn wehn gat som neks man, weh wende priten fi bii Kristyan ahn weh wehn sniik iina fi wi gruup, so dehn kuda spai pahn wi, fi si weh kain a friinis wii gat sieka wi biliiv iina Jesus Christ. Dehn wehn waahn wi stie sliev tu aala demya ruul ahn regyulieshan fahn di Jewish Laa tu.

Revelation 3:1

“Rait dis mesij tu di ienjel fahn di chorch iina Sardis: Dis dah di mesij fahn di Wan weh huol di seven spirit dem weh dah fi God ahn di seven staar dem. Ihn seh: Ai nuo di tingz dem weh unu deh du. Pipl tink seh unu gat laif, bot unu ded!