Matthew 13:44 - The New Testament in Islander Creole

⁴⁴ “Di Kingdom a Hevn dah laik wan trezha weh wehn haid iina di grong, ahn wan man fain ih. Ihn wehn so glad, ihn kova ih op agen, ahn gaan, gaan sel aala weh ihn wehn gat fi bai daty grong.

Matthew 13:44 Iomraidhean Croise

Matthew 13:24

Den Jesus tel dem wan nada parabl; ihn seh, “Wi kyan kompier di Kingdom a Hevn wid wan faama weh plaant suoso gud siid iina ihn grong.

Matthew 13:46

So, wen ihn fain di bes wan, ihn go ahn sel evryting weh ihn gat fi bai'ih.

Matthew 13:47

“Hier mi agen, di Kingdom a Hevn dah laik wan big-big fishin net weh dehn chruo iina di sii fi kech aal kain a fish.

Matthew 19:21

Jesus ansa im, “If yo waahn bii uova gud iina evrywie, golang ahn sel weh yo gat ahn gi di puor pipl dem di mony; den yo gwain get wan paila trezha iina hevn. Afta dat, kom ahn fala mi.”

Matthew 19:27

Den Peter seh tu Jesus, “Luk deh, wi lef evryting fi fala yo. So wat wii gwain get?”

Matthew 19:29

Ahn evrybady weh lef dehn huom, or dehn breda or sista dem, or dehn pupa or muma, or dehn pikniny, or dehn lan jos sieka fi fala mii gwain get wan hundred taim muo an weh dehn wehn gat; ahn muo an dat, dehn gwain get fi liv fareva.

Matthew 6:21

Bikaaz enywie weh paat unu richiz deh, dah rait dehso unu gwain kiip unu haat tu.

Luke 14:33

So, nonbady kyaahn bii wan a mai disaipl, if ihn no lef aal weh ihn gat fi fala mi.

John 6:35

Den Jesus tel dem, “Ai dah di siem Wan weh dah di bred weh gi riil laif. Enybady weh kom tu mii gwain neva hongry agen, ahn enybady weh chros iina mii gwain neva get torsty agen niida.

Romans 15:4

Memba seh: evryting weh wehn rait dong iina di Skriptyo fahn lang taim abak wehn rait dong fi tiich wi tudeh, so wi gwain kyan luk ahed wid pieshens tu weh gwain kom, sieka di huop weh di Skriptyo gi wi.

Colossians 2:3

Di Laad Jesus gat aal di trezha a God wizdom ahn nalij haid-weh iina him!

Colossians 3:16

Ahn mek Jesus Christ mesij aalwiez liv uova rich iina unu haat tu, so unu kyan tiich wan anada, advaiz wan anada, ahn du'ih iina wan waiz wie. Sing saamz, ahn sing di hims dem tu. Ahn sing di priez sang dem tu God, deh aafa op unu tanks tu im iina unu haat.

Hebrews 10:34

Ahn unu wuda fiil fi demde pipl weh wehn iina jiel tu. Unu wehn stie gud, iivn duo som ada pipl wehn tiif evryting weh unu wehn uon. Iina demde taim unu wehn nuo seh unu wehn gwain get beta ting —ting weh gwain laas fareva op iina hevn.

Revelation 3:18

So den, Ah deh tel unu seh: Unu fi kom tu mii ahn bai pyuor guol, so dat unu kyan bii rich iina God sait. Ahn Ah deh tel unu seh: unu fi kom ahn bai wait kluoz fi wier, so dat unu no gwain paas shiem bikaaz unu niekit. Ahn kom, kom bai aintment fi put iina unu ai, fi unu kyan si.