Matthew 13:42 - The New Testament in Islander Creole

⁴² ahn dehn gwain chruo dem iina hel faiya. Iin deh, dehn gwain gat plenty halarin ahn grain dehn tiit jos sieka di pien.

Matthew 13:42 Iomraidhean Croise

Matthew 13:50

ahn ihn gwain chruo di bad wan dem iina hel faiya. Iina dah plies dehn gwain gat plenty halarin ahn grain dehn tiit jos sieka di pien.”

Matthew 22:13

Den di king tel ihn sorvant dem, ‘Tai op ihn han ahn ihn fut dem, ahn chruo im outa di hous iina di daaknis! Out dehso gwain gat plenty halarin ahn dehn gwain grain'op dehn tiit iina pien.’ ”

Matthew 25:41

“Den ihn gwain seh tu dem pahn di lef, ‘Golang faar fahn mi unu weh God don kandem, golang iina di faiya weh kyaahn stap bon, di siem faiya weh wehn pripier fi di devl ahn ihn ienjel dem tu!

Matthew 3:12

Ihn staat pik out ihn pipl dem aredy, jos laik how di faama stamp ihn fut aal uova ihn grien ahn chruo'ih wid di shel op iina di ier fi separiet di two a dem, ahn den ihn gyada op di gud grien wid ihn shovl fi put'ih iina ihn stuor-hous; bot ihn gwain bon'op di shel wid faiya weh kyaahn out. Di siem ting gwain hapm wid di Laad huu suun kom.”

Matthew 8:12

Bot dem weh shuda bii paat a dat kingdom bot neva waahn pie main tu ihn wod gwain get chruo iina hel daaknis. Iina dah siem plies dehn gwain gat plenty halarin ahn di pipl dehn gwain grain dehn tiit jos sieka di pien weh dehn deh fiil.”

Luke 13:28

Ahn unu gwain hala, ahn grain unu tiit jos sieka di pien, wen unu si Abraham, Isaac, Jacob ahn aal di prafit dem iina God Kingdom, ahn dehn chruo unu out.

Revelation 14:10

demde pipl gwain hafy jrink God wain! Dah wain dah di jojment weh God gwain bring pahn dem, bikaaz ihn uova beks wid dem, ahn ihn gwain gi dem wan tof ponishment fi chruut. Dah jojment dah laik bita wain weh no miks wid non waata ataal! Ahn aala di pipl dem, weh deh du demde tingz, gwain get ponish bad ahn gwain sofa iina di faiya wid solfa weh deh bon. Ahn dehn gwain sofa aal dis rait fronta God ienjel dem ahn di Lam!

Revelation 19:20

Bot dehn kech di biis ahn di faals prafit. Him dah di wan weh wehn du dehn mirakl fronta di biis. Wid demya mirakl ihn wehn fuul'op di pipl weh wehn gat di maak fahn di biis ahn weh wehn waaship ihn statyo. Ahn dehn pich di biis ahn di Faals Prafit alaiv iina wan liek wid faiya weh deh bon wid solfa.

Revelation 20:10

Den, di devl —weh wehn fuul'op di pipl dem— get chruo iina di liek weh wehn ful'op wid faiya weh deh bon wid solfa. Dat dah di siem plies weh dehn wehn pich di biis ahn di faals prafit. Ahn dah faiya gwain taament dem die ahn nait fareva ahn eva!

Revelation 21:8

“Bot, dis dah weh gwain hapm tu aala demde pipl weh wehn fried fi stan op fi God ahn demde pipl weh no chros iina Christ no muo, dem weh du dehn doty sin, dem weh deh kil, dem weh sliip roun, dem weh deh du uobya, dem weh deh waaship di tingz dem weh dehn mek fi demself, ahn aala dem weh tel lai. Aala dem weh deh du demde kain a tingz, dehn plies gwain bii iina di liek a faiya weh deh bon wid solfa! Ahn dat dah di sekant det!”

Revelation 9:2

Dah staar uopm op di wie tu Di Abyss. Ahn plenty smuok kom out fahn iinsaid deh, jos laik outa wan big fernis. So den, di son stap shain ahn di skai ton uova daak, bikaaz di smuok mek di plies uova daak.