Matthew 13:30 - The New Testament in Islander Creole

³⁰ Mek di two a dem gruo'op tugeda til dehn taim fi pik. Den, wen di taim kom fi gyada op di fruut, Ah gwain tel dem weh inchaaj seh, “Unu dig op aal di bad bush fos ahn tai dem op fi bon dem, bot gyada aal di gud fruut dem weh unu pik op ahn put dem iina mi stuor-hous.” ’ ”

Matthew 13:30 Iomraidhean Croise

Matthew 13:25

Den wan nait, az aal di pipl dem wende sliip, di uona enimy kom ahn plaant bad bush mongs di siid dem, ahn gaan.

Matthew 13:29

Ihn seh, ‘Nuo man, bikaaz if unu dig dem out, mieby unu dig out di gud trii dem tu.

Matthew 25:32

Den dehn gwain gyada tugeda aala di pipl fahn di nieshan dem fronta im ahn ihn gwain separiet dem fahn wan anada, jos laik how di shepad separiet di shiip fahn di guot dem.

Matthew 25:41

“Den ihn gwain seh tu dem pahn di lef, ‘Golang faar fahn mi unu weh God don kandem, golang iina di faiya weh kyaahn stap bon, di siem faiya weh wehn pripier fi di devl ahn ihn ienjel dem tu!

Matthew 3:12

Ihn staat pik out ihn pipl dem aredy, jos laik how di faama stamp ihn fut aal uova ihn grien ahn chruo'ih wid di shel op iina di ier fi separiet di two a dem, ahn den ihn gyada op di gud grien wid ihn shovl fi put'ih iina ihn stuor-hous; bot ihn gwain bon'op di shel wid faiya weh kyaahn out. Di siem ting gwain hapm wid di Laad huu suun kom.”

Luke 3:17

Ihn staat chuuz ihn pipl dem aredy, jos laik how di faama stamp ihn fut aal uova ihn grien ahn chruo'ih wid di shel op iina di ier fi separiet di two a dem, ahn den ihn gyada op di gud grien wid ihn shovl fi put'ih iina ihn stuor-hous; bot ihn gwain bon'op di shel wid faiya weh kyaahn out. Di Christ weh deh kom gwain bii di wan weh gwain du demde tingz.”

John 15:6

Enybady weh no stie jain aan tu mii gwain bii jos laik dem lim weh dehn chruo weh ahn den drai op. Lim laik demde jos gud fi mek pipl gyada op ahn bon iina faiya.

1 Corinthians 4:5

So unu no fi joj nonbady bifuor di rait taim kom. Unu fi wiet til di Laad kom. Dah him dah di wan weh gwain bring out dehn tingz weh deh iina di daak now. Ahn den ihn gwain mek evrybady nuo weh deh iina evrybady haat. Dat dah wen God gwain priez evrybady akaadn tu how dehn dizorv fi get priez.

1 Timothy 5:24

Som pipl sin, ahn evrybady kyan si weh dehn deh du. Ahn demya pipl weh sin iina datde wie, dehn sin deh go hed a dem tu jojment. Bot ada pipl kyan sin, ahn nonbady no nuo bout'ih now, bot lietaraan evrybady gwain nuo bout'ih!