Matthew 13:22 - The New Testament in Islander Creole

²² Som taim, laik di siid weh drap mongs di prikl, disya man dah di wan weh hier di mesij, bot aftawod ihn wory bout ihn laif ahn ho moch mony ihn gwain mek, ahn dis kiip dong God mesij, ahn ihn no ton tu notn gud.

Matthew 13:22 Iomraidhean Croise

Matthew 12:32

Ahn enybady weh seh bad tingz gens di Son a Man kyan get paadn, bot enybady weh seh bad tingz gens di Holy Spirit ahn spail ihn niem, no gwain get paadn ataal, niida now nar nontaim.

Matthew 13:39

Di enimy weh plaant di prikl dem dah laik di devl, ahn di taim fi pik dah laik di laas diez a di worl. Den, dem weh gwain gyada op weh wehn plaant dah laik di ienjel dem.

Matthew 13:40

So, jos how dehn pail op di prikl fi bon dem op, dah rait so ih gwain hapm iina di laas diez a dis worl.

Matthew 13:7

Ahn som ada siid drap mongs di prikl, ahn dehn sprout op, bot di prikl gruo'op uova di likl trii dem, ahn chuok dem.

Luke 12:15

Den ihn tel di kroud, “Main; unu watch out fi groj ahn griidinis, bikaaz dis laif dah no fi si huu kyan get muo tingz.”

Luke 12:21

Den Jesus seh tu dem, “Dis dah weh gwain hapm tu enybady weh put'op richiz fi demself pan ort, bot no pie no main tu di richiz weh kom fahn God.”

Luke 21:34

“Unu main, unu no mek unu haat get hevy wid sin, laik di man weh wies ihn laif wid jronkinis, ahn di woriz a dis laif; ahn den, wen unu fain out, Dah Die kech unu aafa gyaad. Ih gwain kom aalava sodn laik wan trap;

Luke 8:14

Di siid weh drap mongs di prikl dah laik dem weh hier, bot az dehn go pahn dehn wie, di woriz, richiz ahn plezha fahn dis laif wi pail op ahn chuok dem, ahn dehn no gwain ton tu notn gud.

Acts 8:18

Now, wen Simon si di Spirit kom dong pahn di biliiva dem, wen Peter ahn John put dehn han pahn dem, ihn aafa dem mony fi him get disya powa tu.

Romans 12:2

Unu no fi liv laik demde pipl iina disya worl. No du weh dehn du nontaim. Insida dat, unu fi mek God chienj di wie unu tink, so dat evryting weh unu du, kyan chienj tu. Den, dat gwain mek unu nuo weh God waahn, weh gud ahn weh gwain pliiz im. Ahn unu gwain nuo egzakly how unu shuda liv.

1 Corinthians 1:20

So den, mek Ah aks unu somting: Weh dehn pipl deh now, weh tink seh dehn gat plenty wizdom? Weh demde pipl weh tiich Moses Laa deh? Ahn weh demde pipl deh iina disya worl weh kyan aagyo gud? Ai gwain tel unu: God don shuo seh aal di wizdom weh di pipl dem gat iina disya worl dah ongl fuulishnis tu him!

1 Corinthians 2:6

Stil yet, wen wi deh taak tu di pipl dem weh gat wan strang fiet iina Jesus Christ, wi taak tu dem wid plenty wizdom. Bot wi no yuuz di kain a wizdom weh di pipl, nar di ruula dem a disya worl gat. Aala demya kain a pipl gwain suun kom tu notn.

1 Corinthians 2:8

Non a dehn ruula fahn disya worl neva andastan dah kain a wizdom, bikaaz if dehn wehn andastan ih, dehn neva wehn gwain niel di Laad a Gluory pahn di kraas.

1 Corinthians 3:18

No mek non a unu fuul'op unuself! If eny a unu tink seh unu waiz akaadn tu di pipl dem iina disya worl, beta unu ton laik wan fuul ahn put-weh unu uon wizdom, so dat unu kyan ton wan waiz man iina God wizdom.

2 Corinthians 4:4

Demde pipl no biliiv weh wi deh seh, bikaaz Satan —weh dah di god a disya worl— don blain dehn two ai dem, so dehn kyaahn si di lait a di Gud Nyuuz bout di gluory a Christ, weh shuo wi egzakly weh God laik.

Galatians 1:4

Dah him weh wehn gi wi ihn laif fi pie fi wi sin dem, jos laik weh God wi Faada wehn waahn him fi du. Ihn du dat fi ihn kuda frii wi fahn di wikidnis a disya worl.

Ephesians 2:2

Demde taim, unu yuuztu fala di bad wie a disya worl. Unu wuda lisn tu wat di Wikid Wan tel unu fi du. Dah him weh ruul uova aala di spirit dem iina di skai, ahn now ihn kanchruol aala demya pipl weh no lisn tu God.

1 Timothy 6:17

Now, Timothy, demya pipl weh rich ahn gat plenty tingz iina disya worl, yu fi tel dem seh dehn no fi bii proud, nar chros iina dehn paila fansy tingz weh dehn gat. Bikaaz nonbady no nuo fi chruut how lang demde tingz gwain laas. Insida dat, dehn fi chros iina God. Dah him dah di Wan weh gi wi evryting wi niid —iivn muo an nof fi mek wi hapy.

2 Timothy 4:10

bikaaz Demas wehn lov di tingz dem weh deh iina disya worl so moch ihn don lef mi ahn gaan aaf dah Thessalonica sity. Crecens gaan dah Galatia tu, ahn Titus gaan dah Dalmatia.