Matthew 13:19 - The New Testament in Islander Creole

¹⁹ Di siid wi bii laik God Wod, ahn som taim, laik di siid weh drap pan di trak ruod, wan man hier di mesij bout di Kingdom, bot laik di bord weh iit'op di siid, di devl kom ahn tek weh di mesij, so di man neva andastan ih ahn kiip'ih iina ihn haat.

Matthew 13:19 Iomraidhean Croise

Matthew 12:26

Ahn if Satan deh fait gens ihnself, how ihn atarity gwain get enywie?

Matthew 13:20

Som taim, laik di siid weh drap pan di raky grong, wan man hier di mesij ahn risiiv ih siem taim, ahn ih mek im glad.

Matthew 13:38

ahn di grong dah laik di worl. Di gud siid dah laik dem weh dah paat a God Kingdom, bot di prikl dah laik dem weh deh fala di devl.

Matthew 4:23

Aftawod Jesus gaan aal bout iina Galilee lan, deh tiich iina di sinigag dem. Ihn tel dem di gud nyuuz bout God Kingdom, ahn ihn kyuor dem weh wehn sik wid aal kain a diziiz, or wehn wiik ahn niid get beta.

Matthew 5:37

So, yuu fi ongl seh wan simpl ‘yees,’ ahn miin ‘yees,’ or seh wan simpl ‘nuo,’ ahn miin ‘nuo.’ Bikaaz enyting muo an dat, dah fahn di Bad Wan.

Mark 4:15

Som taim, laik di siid weh drap pan di trak ruod, di pipl dem hier di mesij, bot laik di bord weh iit'op di siid, Satan kom faas ahn tek weh di mesij ahn di pipl dem no andastan.

Luke 10:9

Ahn if enybady dedeh weh sik, kyuor dem; ahn tel di pipl dem, ‘Now dah di taim wen unu kyan bii paat a God Kingdom.’

Luke 9:2

Den ihn sen dem out, gaan tel evrybady bout God Kingdom ahn kyuor di sik pipl dem.

John 18:38

Pilate aks Jesus, “So dah wat dah di chruut?” Wen ihn don seh dat, ihn gaan bak outsaid tu di Jewish liida dem ahn seh, “Ah no fain notn weh dis man du fi put im tu det.

John 8:43

Wai unu no andastan weh Ah deh seh? Dah bikaaz unu rifyuuz fi aksep di tingz dem weh Ah deh tiich unu.

Acts 17:32

Now, wen Paul taak bout di rezorekshan, som a dem laaf afta im, bot som ada wan seh, “Wi waahn hier muo bout dis lieta.”

Acts 18:15

Bot bikaaz dah wan aagyoment bout wod ahn ada likl tingz weh iina fi unu uon laa, unu trash'ih out mongs unuself. Mii no deh joj demya kain a tingz.”

Acts 20:25

“Ahn now Ah nuo seh non a unu, weh Ah wehn priich ahn tiich bout God Kingdom, gwain si mi fies agen.

Acts 28:23

Den dehn gi Paul wan die weh dehn fi kom weh im stie; ahn plenty a dem kom, iivn muo an di fos taim. Ahn ihn tel dem bout God Kingdom fahn maanin til liet iina di iivnin deh trai fi kanvins dem fahn weh Moses ahn di prafit dem rait seh Jesus dah di Mesaya fi chruut.

Romans 1:28

So den, bikaaz demde kain a pipl no waahn put iina dehn haat di chruut weh wi fi nuo bout God, God lef dem rait deh. Ahn aal weh dehn tink bout dah demde tingz weh dehn korop main tel dem fi du; ahn den, dehn du di siem tingz weh dehn no fi du!

Romans 14:17

Bikaaz, fi bii paat a God Kingdom no gat notn fi du wid demde tingz weh wi iit or demde tingz weh wi jrink. God Kingdom dah bout how wi fi liv striet ahn iina piis wid evrybady, ahn bout di jai weh di Holy Spirit put iina fi wi haat.

Romans 2:8

Bot fi ada pipl weh jos deh liv fi demself ahn dehn no waahn obie di chruut —demde kain a pipl weh ongl waahn du weh rang— God gwain shuo dem how ihn uova beks wid dem, ahn ihn gwain ponish dem gud!

Ephesians 3:8

Ah shuor seh aala God pipl dem muo beta an mii. Stil yet, God wehn uova bles mi, wen ihn pik mi out fi go tel di Gentile pipl dem di Gud Nyuuz bout aal di blesin dem weh Christ deh gi ihn pipl dem. Ahn demde blesin so gud dat wi kyaahn iivn andastan aala dem!

2 Thessalonians 2:12

Ahn so, aala demya pipl deh, gwain get kandem, bikaaz dehn wuda reda du demya tingz weh wikid an fi biliiv weh dah di chruut!

Hebrews 2:1

So dat dah wai wi hafy pie plenty atenshan tu aal di tingz weh wi wehn hier aredy —aal demde tingz weh dah chruu— so wi no get fi drif-weh fahn dem.

1 John 3:12

Wi no fi bii laik Cain, weh dah wehn fi di Bad Wan, ahn weh kil ihn breda. Ahn wai Cain wehn kil im? Bikaaz evryting weh Cain wehn du, wehn wikid; ahn evryting weh ihn breda wehn du, wehn rait iina God sait!

1 John 5:18

Wi nuo seh, dehn pipl weh dah God pikniny dehn no mek'ih wan habit fi sin, bikaaz di Son a God kiip dem sief ahn di Wikid Wan kyaahn toch dem ataal.

1 John 5:20

Ahn wi nuo tu seh, di Son a God don kom ahn ihn gi wi andastandin fi wi kyan nuo di chruu God. Ahn wii liv iina di Wan weh dah chruu, weh dah ihn Son, Jesus Christ ihnself. Dah him dah di chruu God, ahn dah him dah laif weh no gwain don nontaim ataal.