Matthew 12:41 - The New Testament in Islander Creole

⁴¹ Di pipl dem fahn Nineveh gwain riez'op pan Jojment Die wid unu —di pipl fahn disya jinarieshan— ahn dah dem gwain kandem unu, bikaaz dehn ton tu God wen Jonah priich, ahn now wan grieta man an Jonah deh yah!

Matthew 12:41 Iomraidhean Croise

Matthew 12:39

Bot Jesus seh tu dem, “Unu dah laik wan uova bad jinarieshan weh on'fietful aal di taim, bikaaz unu kiip deh aks fi wan sain, bot unu no gwain si non sain ataal apaat fahn weh wehn hapm tu di prafit Jonah.

Matthew 12:42

Jos so, di Kwiin a di Sout gwain riez'op pan Jojment Die wid unu pipl fahn disya jinarieshan ahn gwain kandem unu, bikaaz shii wehn kom fahn di en a di ort fi hier Solomon wizdom. Ahn now wan grieta man an Solomon deh yahso, bot unu no waahn hier im!

Matthew 12:45

So ihn ker seven muo bad spirit muo wosa an him, fi go wid im. Ahn aala dem kom iin ahn liv dehso. So dah porsn stie wosa an how ihn wende bifuor. Dat dah jos wat gwain hapm tu disya bad pipl now a diez!”

Matthew 12:6

Bot Ah deh tel unu, somting beta an di Templ deh yah!

Matthew 16:4

Unu dah laik wan uova bad jinarieshan, weh on'fietful aal di taim, bikaaz unu kiip deh aks fi wan sain, bot unu no gwain si non sain ataal apaat fahn weh wehn hapm tu Jonah.” Den Jesus lef dem deh, ahn gaan weh.

Matthew 17:17

Den Jesus seh, “Dah so puor unu fiet deh, unu stobant pipl! How lang Ah hafy stie ahn put'op wid unu? Bring di bwai yahso!”

Matthew 23:36

Yees, Ah deh tel unu di chruut: aal demya tingz gwain hapm tu disya jinarieshan.

Luke 11:32

Jos so, di pipl dem fahn Nineveh gwain riez'op pan Jojment Die wid unu pipl fahn disya jinarieshan ahn dem tu gwain kandem unu, bikaaz dehn ton tu God wen Jonah priich. Ahn now, wan grieta man an Jonah deh yahso, bot unu no waahn hier im!

John 3:31

“Di Wan weh kom fahn hevn grieta an evrybady, bot di wan weh kom fahn ort ongl kyan taak bout tingz fahn dong yahso. So, di Wan weh kom fahn hevn muo grieta an evrybady els.

John 4:12

Yu mosy grieta an fi wii ansesta Jacob den? Dah him weh gi wi dis wel, weh him ahn ihn son dem wehn jrink fram, ahn dehn animal tu.”

Romans 2:27

So den, di Gentile pipl dem weh neva get sorkomsaiz, bot stil yet deh du weh di Laa seh wi fi du, dah dem gwain kandem unu! Bikaaz unu, weh don get sorkomsaiz ahn weh gat di Laa rait dong, unu no deh du weh di Laa seh!

Hebrews 11:7

So den, dah wehn bikaaz a Noah fiet iina God, mek God waan im bout somting weh ihn neva si hapm yet. Ahn Noah bil wan big-big buot weh him ahn ihn famaly get siev iina. Noah fiet iina God wehn shuo seh di ada pipl dem iina disa worl wehn wikid, bot dat Noah wehn raichos iina God sait.