Matthew 12:14 - The New Testament in Islander Creole

¹⁴ Bot di Pharisee pipl dem gaan outsaid, ahn dehn mek wan plan gens Jesus fi du weh wid im.

Matthew 12:14 Iomraidhean Croise

Matthew 26:4

Dehn wende plan op how fi grab Jesus bitout di pipl dehn nuo, ahn den kil im.

Matthew 27:1

Wen di maanin kom, aal di chiif priis ahn di ada Jewish rilijos liida dem wehn gyada op fi disaid fi kandem Jesus tu det.

Mark 14:1

Dah wehn jos two diez bifuor di Jewish selibrieshan a di Paasuova ahn di On'levn Bred. Ahn ih hapm seh di chiif priis ahn di tiicha a di Laa dem wende trai fain som kain a wie fi grab Jesus bitout di pipl dehn nuo, ahn den, kil im.

Mark 3:6

Siem taim di Pharisee pipl dem gaan outsaid, gaan miit wid King Herod falowa dem fi mek wan plan gens Jesus fi du weh wid im.

Luke 22:2

Ahn di chiif priis ahn di tiicha a di Laa dem wende trai fain som kain a wie fi kil Jesus, bitout di pipl dem nuo, bikaaz dehn wehn fried fi di pipl dem.

Luke 6:11

Bot di Pharisee pipl ahn di tiicha a di Laa dem wehn beks ahn staat taak wid wan anada bout weh dehn fi du wid Jesus.

John 10:31

Den di Jewish liida dem pik op rak fi trai fi lik dong Jesus agen,

John 10:39

Den, dehn trai fi grab Jesus agen, bot ihn get-weh.

John 11:53

Ahn fahn dah die, dehn wende plan fi kil Jesus.

John 11:57

Dehn seh dis bikaaz di chiif priis ahn di Pharisee dem wehn don gi aadaz seh if enybady wehn nuo upaa Jesus wende, dehn wehn fi kom ahn tel dem so dehn kuda grab im.

John 5:18

Sieka weh Jesus wehn seh, ih mek di Jewish liida dem waahn kil im muo. Dah no ongl bikaaz dehn tink seh ihn wen brok di Sabat, bot pan tapa dat, ihn wende seh God dah fi him faada, ahn dat wende mek him siem laik God.

John 7:30

Wen Jesus seh dat, som a dem wehn waahn grab im, bot nonbady neva lie wan finga pan im, bikaaz ihn taim neva kom yet.

John 7:32

Wen di Pharisee dehn hier weh di pipl dem wende wispa bout Jesus, dem ahn di chiif priis kom tugeda ahn sen di Templ gyaad dem fi go grab im.

John 7:44

Som a dem wehn waahn grab im, bot nonbady neva toch im.

John 8:59

So dehn pik op som rak fi lik'im dong, bot Jesus get-weh fahn dem outa di Templ bitout dehn iivn nuo seh ihn wehn gaan.