Matthew 11:26 - The New Testament in Islander Creole

²⁶ Yees, Faada, bikaaz yo wehn glad fi du'ih dis wie.”

Matthew 11:26 Iomraidhean Croise

Luke 10:21

Siem taim, Jesus get ful'op wid jai fahn di Holy Spirit ahn ihn seh, “Ah tank yuu, Faada, Laad iina hevn ahn pahn ort, bikaaz yo kiip di chruut bout di Kingdom fahn di pipl dem weh tink seh dehn waiz ahn dem weh seh dehn nuo bout demya tingz, bot yo shuo dem tu di aadinary pipl. Yees Faada, bikaaz yo wehn glad fi du'ih dis wie.”

Luke 22:42

“Faada, if dah weh yo waahn, pliiz no mek Ah sofa aal demde tingz weh Ah gat fi sofa. Bot dah no weh Ai waahn; dah weh yuu waahn fi hapm.”

Luke 23:34

Ahn Jesus seh, “Faada, fargiv demya pipl, bikaaz dehn no nuo weh dehn deh du.” Den di suoldya dem, fi shier op ihn kluoz mongs dehnself, gyambl wid dais fi si huu wuda get wish piis.

John 11:41

So dehn muuv di rak, ahn Jesus luk op tu hevn ahn seh, “Faada, Ah tank yo seh yo don hier mi.

John 12:27

“Now mi haat uova hevy, so weh Ah fi seh, ‘Faada, siev mi fahn disya taim a sofarin weh Ah hafy go chruu’? Bot dah dat Ah kom fah; dah fi dis taim di Faada wehn sen mi.

John 12:28

Ah seh, ‘Faada, mek dem si how yo niem powaful.’ ” Den wan vais kom fahn outa hevn ahn seh, “Ah don mek dem si aredy how mi niem powaful, ahn Ah wi du'ih agen.”

Romans 9:18

So den, if God gwain gat morsy pahn sombady, ihn gwain gat morsy pahn dem. Ahn if ihn gwain mek dehn haat haad, him gwain mek dehn haat haad.

Ephesians 1:11

Di chruut dah seh, evryting weh tek plies iina disya worl, dah bikaaz God wehn don plan'ih, ahn dah fi him disizhan. So, God wehn pik wi out fi bii fi him uon pipl dem ahn bii wan wid Christ; ahn dat dah fi him uon plan weh ihn wehn disaid fahn di biginin a taim.

Ephesians 1:9

ihn du weh ihn wehn plan fi du fahn lang-lang taim abak: ihn mek wii bii paat a ihn siikrit plan weh nonbady neva nuo bifuor, weh ihn wehn gwain du fi wi chruu Christ.

Ephesians 3:11

Ahn God du dis jos laik how ihn wende plan fi du'ih fahn di biginin a taim, chruu Christ Jesus, weh dah fi wi Laad.

2 Timothy 1:9

Memba, God siev wi ahn kaal wi fi bii ihn uon pipl. Ahn ihn no kaal wi bikaaz a notn weh wi du, bot fi sieka weh him wehn plan fi du wid wii ahn bikaaz a ihn gries. So, bifuor taim iivn staat, him wehn don gi wi dat gries chruu Christ Jesus.