Matthew 11:20 - The New Testament in Islander Creole

²⁰ Den, iina di toun dem weh Jesus wehn du muos a ihn mirakl dem, di pipl dehn neva waahn ton tu God. So Jesus get beks wid dem ahn seh,

Matthew 11:20 Iomraidhean Croise

Matthew 12:41

Di pipl dem fahn Nineveh gwain riez'op pan Jojment Die wid unu —di pipl fahn disya jinarieshan— ahn dah dem gwain kandem unu, bikaaz dehn ton tu God wen Jonah priich, ahn now wan grieta man an Jonah deh yah!

Mark 16:14

Aftawod Jesus apier'op pan di eleven a dem wail dehn wende iit. Ahn ihn kaal dehn atenshan, bikaaz dehn neva waahn biliiv dem weh wehn si'im laiv.

Mark 9:19

Den Jesus seh, “Dah so puor unu fiet, unu pipl now a diez! How lang Ah hafy stie roun yah wid unu? Bring di bwai yahso!”

Acts 17:20

Demde tingz weh yo deh tel wi soun fony tu wii, ahn wii waahn nuo muo.”

2 Corinthians 12:21

Yees, Ah fried seh di neks taim wen Ah go tu unu, mai God gwain mek Ah fiil shiem fronta unu; ahn Ah gwain baal fi plenty a unu weh wende liv iina sin, ahn weh no waahn stap sliip roun, ahn weh deh liv slak laif, ahn weh deh los ahn aal dem ada kain a bad livin.

James 1:5

So, if eny a unu no gat di andastandin weh God gi, unu fi aks him fi gi'ih tu unu; ahn ihn gwain gi unu nof. Ahn di Laad no gwain get beks wid unu niida!

Revelation 16:11

So, dehn kors God iina hevn fi di pien weh dehn wende sofa ahn fi di suor dem weh wehn bos out pahn dem. Bot stil yet, dehn neva waahn ton fahn dehn sin dem.

Revelation 16:9

So, di pipl dem weh di son wende bon, dehn kors di niem a God weh gat atarity fi stap demde teribl tingz, weh deh mek dem sofa. Bot demya pipl neva waahn ton fahn dehn sin, ahn dehn rifyuuz fi priez God powa.

Revelation 2:21

Ah gi'ar taim fi ton fahn ihn sin dem, bot shii no waahn chienj ihn wiez!