Matthew 11:12 - The New Testament in Islander Creole

¹² Fahn iina John taim til now, di Kingdom a Hevn deh niera ahn niera wid strent, ahn plenty pipl weh neva waahn gi'op, deh trai haad fi get wan paat a ih.

Matthew 11:12 Iomraidhean Croise

Matthew 11:11

Ah deh tel unu seh: fi chruut, outa aal di pikniny weh eva baan fahn uman, non a dem gwain grieta an John di Baptist. Bot inspaita dat, sombady wid likl impuotans iina di Kingdom a Hevn grieta an John.

Matthew 11:13

Bikaaz aal weh God Laa ahn di prafit dem taak bout til John taim, dah wat deh hapm,

Matthew 3:15

Bot Jesus ansa im seh, “No pie dat non main fi now, bikaaz ih gud fi wi kompliit aala weh God egzak fahn wi.” Afta ihn seh dat, John seh dah so.

Luke 13:24

“Di duo fi go iina hevn naro, so beta trai du aal weh yo kyan du fi get iin. Plenty pipl gwain trai fi go iin, bot dehn gwain kyaahn du'ih.

Luke 16:16

“Op til di taim wen John di Baptist kom, pipl wehn liv bai Moses Laa ahn bai weh di uol taim prafit dem wehn rait dong. Den, di priichin a di gud nyuuz bout God Kingdom staat, ahn plenty pipl weh neva waahn gi'op, deh trai haad fi get iin deh.

John 5:4

bikaaz evry now ahn den wan ienjel fahn God wuda kom dong, kom stor'op di waata, ahn enybady weh get iin deh fos get kyuor.]

John 6:27

No bada kil'op unuself deh work fi fuud weh gwain suun spail, bot work fi di fuud weh di Son a Man gwain gi unu, weh gwain mek unu liv gud wid God fareva. Dat dah wai God sen di Son a Man, bikaaz dah him weh di Faada don shuo seh ihn proud a im.”

Philippians 2:12

So den unu, weh dah mi gud fren dem, jos laik how unu aalwiez du —weh Ah wehn tel unu fi du wen Ah wende wid unu— ih iivn muo impuotant fi du weh Ah tel unu now, wen Ah no dedeh wid unu. Siem wie, sieka weh Jesus Christ deh siev unu, unu shuda gat so moch rispek fi God seh unu wuda fried fi du enyting weh wuda mek unu luk laik unu no siev! Bikaaz, God dah di wan weh deh work iina unu haat fi mek unu mek'op unu main fi du di gud tingz weh ihn don plan fi unu, ahn ihn gwain gi unu di powa fi du'ih tu.