Matthew 10:41 - The New Testament in Islander Creole

⁴¹ Bikaaz di wan weh welkom wan a God prafit bikaaz ihn priich God Wod gwain get bles laik di prafit ihnself, ahn di wan weh welkom wan raichos man, bikaaz ihn dah wehn wan uova gud man, gwain get di blesin weh kom tu di raichos tu.

Matthew 10:41 Iomraidhean Croise

Matthew 16:27

Di Son a Man gwain kom wid ihn ienjel dem iina ihn Faada gluory, ahn ihn gwain gi evrybady wat dehn merit aafa wat dehn don du.

Matthew 25:44

Den, dehn gwain ansa bak, ‘Laad, dah wentaim wii wehn si yo hongry or torsty or laik wan strienja or niekit or sik or iina jiel ahn wi neva help yo?’

Matthew 25:45

Den ihn gwain seh tu dem, ‘Ah deh tel unu di chruut: di siem wie how unu neva du'ih fi dem weh wehn niid help, unu neva du'ih fi mii niida.’

Matthew 6:1

“Wach out, unu no fi du gud tingz fi God jos fi shuo aaf fronta pipl. If unu du dat, weh kain a blesin unu gwain get fahn unu Faada iina hevn? Notn ataal!

Matthew 6:18

so wen unu deh faas, unu no kaal pipl atenshan fi luk pahn unu. Den ongl unu Faada weh si evryting weh don iina siikrit gwain bles unu.

Matthew 6:4

So wen unu deh gi, du'ih iina siikrit, ahn unu Faada weh deh si unu iina siikrit, gwain pie unu bak.

Matthew 6:6

Bot enytaim unu deh prie, go iina unu ruum, shet di duo ahn prie tu unu Faada huu gwain dedeh. Ahn unu Faada, weh deh wid unu iina siikrit, gwain bles unu plenty.

Matthew 7:8

Bikaaz evrybady weh aks, gwain get; dem weh luk, gwain fain weh dehn deh luk fah; ahn dem weh nak pan di duo, ih gwain uopm fi dem.

Acts 16:15

So Lydia ahn evrybady iina ihn hous get baptaiz ahn den shii invait wi fi kom stie wid im. Ihn seh, “If unu biliiv seh Ai dah wan chruu biliiva iina di Laad, den unu shuda kom tu mi hous ahn stie wid mi ahn mi famaly.” Ahn ihn neva stap insis fi wi go.

Romans 16:23

Ahn Gaius tel unu heluo. Ai deh stie dah fi him hous, ahn aal di pipl dem dah di chorch miit dah fi him hous. Erastus, weh dah di trezhora fi di sity, ahn wi breda Quartus, seh fi tel unu heluo tu.

1 Corinthians 9:17

So, if Ai deh priich outa mi uon frii wil, den Ah shuda get pie. Bot iivn if Ah du'ih bikaaz dah mi dyuty, dah God kaal mi fi du dis work.

Hebrews 6:10

Bikaaz, God dah wan fier God, ahn him no gwain farget how haad unu wehn work fi im. Ihn no gwain farget how unu shuo unu lov tu im wen unu wehn help out ihn pipl dem, ahn how unu deh kiip aan deh help dem.

2 John 1:8

So den, unu fi tek kier seh unu no laas weh unu don work fah, bot unu fi get aala demya tingz weh God wehn pramis unu.