Matthew 10:40 - The New Testament in Islander Creole

⁴⁰ Den ihn tel di disaipl dem, “Enybady weh welkom unu, welkom mii tu; ahn enybady weh welkom mi, welkom di wan weh sen mi.

Matthew 10:40 Iomraidhean Croise

Matthew 18:5

ahn enybady weh aksep wan a demya likl pikniny bikaaz a mii, aksep mii tu.

Matthew 25:40

Den di king gwain ansa dem seh, ‘Ah deh tel unu di chruut: wen unu help dem weh wehn dah fi mi, dongtu dem wehn dah di liis mongs unu, dat dah jos laik if unu wende help mii.’

Matthew 25:45

Den ihn gwain seh tu dem, ‘Ah deh tel unu di chruut: di siem wie how unu neva du'ih fi dem weh wehn niid help, unu neva du'ih fi mii niida.’

Mark 9:37

“Enybady weh aksep wan a demya pikniny bikaaz a mii, aksep mii tu. Ahn enybady weh aksep mii no ongl aksep mii, bot ihn aksep huu sen mii.”

Luke 10:16

Den ihn tel di disaipl dem, “Enybady weh hier unu, hier mi tu. Bot if dehn rijek unu, den dehn rijek mii tu. Ahn enybady weh rijek mi, rijek di wan weh sen mii.”

Luke 9:48

Jesus seh tu dem, “Enybady weh aksep dis likl pikniny bikaaz a mii, aksep mii tu; ahn enybady weh aksep mii, aksep di wan weh sen mii. Bikaaz di wan weh dah di liis mongs unu, dah di bigis.”

John 13:20

Ah deh tel unu di chruut: if enywan a unu risiiv enybady weh Ah sen, unu deh risiiv mii tu; ahn enybady weh risiiv mi, dehn deh risiiv di Wan weh sen mi tu.”

John 20:21

Jesus tel dem agen, “Piis deh wid unu. Siem wie how di Faada wehn sen mi, dah rait so Ah deh sen unu.”

John 5:23

so evrybady gwain ana di Son jos laik how dehn ana di Faada. Enybady weh no ana di Son, no ana di Faada weh sen im niida.

2 Corinthians 5:20

So den, bredrin, wi dah Christ representativ dem weh ihn wehn sen fi taak tu unu. Wii deh beg unu jos laik dah Christ himself deh beg unu seh, “Mek God ton unu fahn ihn enimy tu ihn fren dem!”

Galatians 4:14

Ahn iivn duo ih wehn haad fi unu put'op wid mi siknis, unu neva ton unu bak pahn mi, nar disgos mi. Insida dat, unu welkom mi jos laik if Ah dah wehn wan ienjel fahn God, or laik how unu wuda welkom Jesus Christ himself!

1 Thessalonians 4:8

So den, if unu no waahn obie disya tiichin, dah no wii unu deh go gens, bot dah God unu deh ton unu bak pan —di Wan weh wehn gi unu ihn Holy Spirit!

2 John 1:9

So, if enybady kom deh tiich ahn deh ad aan muo an weh Christ wehn don tiich unu, den unu gwain nuo fi shuor seh, dehn no gat notn fi du wid God! Bot, if dehn kantinyo deh kiip Christ tiichin dem, di Faada ahn di Son gwain deh wid dem.