Matthew 10:28 - The New Testament in Islander Creole

²⁸ No fried a huu kyan kil unu bady, bot kyaahn kil di suol. Beta yo fried fi God huu kyan distrai di bady ahn di suol iina hel.

Matthew 10:28 Iomraidhean Croise

Matthew 10:26

“So no fried fi pipl ataal. Bikaaz enyting weh haid, gwain kom out weh pipl kyan si'it, ahn enyting weh kova op, aftawod evrybady gwain get fi nuo bout'ih.

Matthew 25:46

“Demya pipl gwain get ponish fareva, bot di raichos pipl dem gwain liv gud wid God fareva.”

Matthew 5:22

Bot now Ah deh tel unu: enybady weh gat iin fi ihn breda, gwain pie. Ahn enybady weh tel ihn breda ‘donsy hed!’ gwain get ponish fronta di Kongsl. Ahn enybady weh seh ‘Yo fuul yo!’ gwain gat gilt tu, nof fi go iina hel faiya.

Acts 21:13

Bot Paul ansa seh, “Dah wai unu deh hala so ahn deh trai brok mi haat? Ai redy no ongl fi dehn tai mi op, bot fi ded if Ah hafy du'ih dah Jerusalem fi di Laad Jesus work.”

Hebrews 10:31

Bredrin, fi faal iina di han a di livin God dah somting weh wi shuda fraitn bout!

Hebrews 11:35

Ahn som uman get dehn lov-wan riez'op bak fahn di ded tu! Bot plenty ada pipl wehn get torcho tu det, bikaaz dehn wehn reda ded, an fi get dehn friidom. Dehn wehn du dat, bikaaz dehn wehn gat dehn huop set pahn wan beta laif wen dehn get riez'op bak fahn di ded.

James 4:12

Memba seh: dah ongl wan Porsn deh weh mek di Laa, ahn him dah di chruu Joj. Him dah di Wan weh kyan siev unu or distrai unu. So dah huu unu, fi joj unu nieba den?

1 Peter 3:14

Bot iivn if unu sofa wen unu deh du gud, unu hapy, bikaaz God gwain bles unu far ih! So den, no fried fi nonbady; nar unu fi dedeh deh wory bout weh dehn maita du tu unu.

Revelation 2:10

Unu no fried fi weh unu gwain sofa. Di devl gwain put som a unu iina jiel fi trai unu out, fi si if unu riily chros God, fi chruut. Fi ten diez unu gwain sofa plenty. Bot unu no fi stap chros iina mi, iivn if ih ker unu tu unu det; ahn den, Ah gwain gi unu di kroun a laif!