Matthew 10:22 - The New Testament in Islander Creole

²² Ahn evrybady gwain hiet unu sieka unu chros ahn fala mii. Bot enywan a unu weh kiip ihn fiet tu di en, gwain get siev.

Matthew 10:22 Iomraidhean Croise

Matthew 10:39

Bikaaz enybady weh waahn siev ihn uon laif, gwain end'op deh luuz ih, bot enybady weh wi risk ihn uon laif jos fi mii, gwain siev ih.”

Matthew 24:13

Bot enywan a unu weh kiip ihn fiet tu di en, gwain get siev.

Matthew 24:9

“Iina demde diez dehn gwain gi unu uova fi dehn mek unu sofa plenty ahn den dehn gwain kil unu. Evrybady evrywie gwain hiet unu sieka unu chros ahn fala mii.

Matthew 5:11

“So den, unu bles, wen dehn insolt unu, kiip unu dong, ahn seh aal kain a bad ting bout unu weh dah no so, jos sieka unu du weh Ah seh.

Mark 13:13

Ahn evrybady gwain hiet unu sieka unu chros ahn fala mii. Bot enywan a unu, weh kiip ihn fiet tu di en, gwain get siev.

Luke 21:17

Evrybady gwain hiet unu sieka unu chros ahn fala mii.

Luke 21:19

So no gi'op ahn unu suol gwain siev!

Luke 6:22

“Ahn unu gwain get bles wen dehn hiet unu, ahn rijek unu, ahn insolt unu, ahn dehn seh unu uova bad jos sieka unu chros iina di Son a Man.

Luke 8:15

Ahn di siid weh faal pahn gud grong, dah laik dem weh hier di mesij ahn kiip'ih iina dehn haat ahn du aal weh God seh. Ahn den dehn kiip aan deh du gud tingz, no mata wat.”

John 17:14

Ah don tel dem di siem wod dem weh yu wehn tel mii, bot di pipl fahn disa worl wehn hiet mi falowa dem, bikaaz dehn no dah fi ih, jos laik how Ah no dah fahn disa worl niida.

John 7:7

Di pipl iina disya worl no gat non riizn fi hiet unu, bot dehn hiet mii, bikaaz Ah kom rait out ahn tel dem bout aal di rang tingz weh dehn deh du.

Acts 9:16

Ahn mii miself gwain shuo im ho moch ihn gwain sofa fi mek di pipl dem nuo dah huu mi.”

Romans 2:7

Now, fi demde pipl weh kiip aan deh du gud ahn deh luk tu God fi ihn priez ahn ana —fi demde pipl weh waahn laas fareva— dah tu demde kain a pipl, God gwain gi laif weh neva gwain en nontaim.

2 Corinthians 4:11

Bikaaz, wail wi deh liv, wi aalwiez deh get ekspuoz tu det, so di pipl dem kyan si Jesus laif iina wi.

Galatians 6:9

So, mek wi no get taiyad deh du weh rait, bikaaz wen di rait taim kom, wi gwain get dah pie weh dah fi wi, if wi no gi'op.

Hebrews 3:14

Bikaaz, if wi fietful tu di en, ahn chros God jos laik how wi wehn chros im strang fahn di biginin, wi gwain gat wi shier iina aal weh dah fi Christ!

Hebrews 6:11

So now, wi huop seh iich wan a unu wuda aalwiez kiip'op di iiganis weh unu gwain shuo til di en, so dat unu kuda shuor seh unu gwain get di tingz dem weh unu deh huop fah.

James 1:12

Memba seh: di biliiva weh go chruu plenty troblz bitout gi'op, him dah di wan weh gwain bii hapy; bikaaz di kroun weh demde kain a pipl gwain get, dah laif weh neva gwain don nontaim ataal. Ahn dat dah di praiz weh God wehn pramis evrybady weh lov im.

1 John 3:13

So, unu weh dah mi fren dem, unu no fi bii sopraiz if di pipl fahn disya worl hiet unu.

Revelation 2:10

Unu no fried fi weh unu gwain sofa. Di devl gwain put som a unu iina jiel fi trai unu out, fi si if unu riily chros God, fi chruut. Fi ten diez unu gwain sofa plenty. Bot unu no fi stap chros iina mi, iivn if ih ker unu tu unu det; ahn den, Ah gwain gi unu di kroun a laif!

Revelation 2:17

So, if unu gat iez fi hier, den hier weh God Spirit deh tel di chorch dem: Dem weh stil stan strang afta Satan don trai dem, Ah gwain gi dem som a di mana weh a gat haid. Den, pan tapa dat Ah gwain gi dem wan wait rak wid wan nyuu niem weh rait pan ih. Ahn nonbady no gwain nuo di niem weh rait pahn di rak eksep di porsn weh Ai deh gi dah niem tu.

Revelation 2:26

Di wan dem weh stil yet stan strang afta Satan don trai dem, ahn stil deh obie mi tu di en, Ah gwain gi dem atarity uova aal di nieshan dem.

Revelation 2:3

Unu sofa plenty ahn gaan chruu plenty haad taim bikaaz unu lov mii, ahn stil yet unu neva gi'op nar stap fala mi nontaim!

Revelation 2:7

So, him weh gat iez fi hier, beta hier weh God Spirit deh tel di chorch dem: Dem weh no gi'op, Ah gwain mek dehn iit fahn di Trii a Laif, weh deh iina God gyaadn!

Revelation 3:21

Ahn demde pipl weh stil yet stan strang afta Satan don trai dem, Ah gwain gi dem di rait fi sidong fi ruul wid mi pahn mi chruon —jos laik how Ah don win di viktry, ahn aftawod kom ahn sidong wid mi Faada pahn fi him chruon.