Matthew 10:16 - The New Testament in Islander Creole

¹⁶ “Luk, Ah deh sen unu out jos laik som shiip mongs di wolf dem. So unu fi bii swif laik wan sniek ahn kuul laik wan dov.

Matthew 10:16 Iomraidhean Croise

Matthew 24:25

So unu wach out! Memba, Ah don tel unu evryting bifuor ih hapm.

Matthew 24:45

“Tel mi den: huu dah di fietful ahn sensabl sorvant weh ihn maasta kyan chros fi put im inchaaj a di ada sorvant dem ahn mek shuor seh dehn iit dehn fuud iin taim?

Matthew 25:2

Five a dem wehn fuul ahn five a dem wehn smaat.

Matthew 25:4

Bot di smaat wan dem ker som paila ail wid dem, wen dehn ker dehn lamp.

Matthew 25:9

Bot di smaat wan dem seh tu dem, ‘Nuo, man! Wi no gwain gat nof fi wii ahn fi unu. Beta unu go tu di man weh sel'ih ahn bai som fi unuself.’

Luke 10:3

Luk, Ah deh sen unu out jos laik som lam mongs di wolf dem. Unu golang now!

Luke 21:15

bikaaz Ai gwain gi unu di wod dem fi seh, ahn Ah gwain mek unu so waiz seh non a dem weh kom gens unu kyaahn rizis nar aagyo wid unu.

Acts 20:29

Ah nuo seh, az suun az Ah gaan, di faals tiicha dem gwain kom iin laik wail wulf fi distrai unu fiet.

1 Corinthians 14:20

Bredrin, unu no fi tink laik pikniny. Yees, unu kyan bii laik pikniny wen ih kom tu nuo bout wikid tingz, bot unu shuda bii laik big pipl wen ih kom tu how unu shuda tink bout gud tingz!

2 Corinthians 1:12

Wan ting deh, weh wi proud bout: wi kanshans klier-klier seh wi wehn aalwiez diil wid unu iina wan aanes, ahn sinsier, ahn gadly wie wen wi wende wid unu. Wi wehn aalwiez dipen pahn God gries, ahn no pahn wi uon hyuuman wizdom. Ahn dat dah how wi ak wid evrybady, speshaly unu.

2 Corinthians 11:14

Wel, no wanda, bikaaz iivn Satan kyan mek himself luk laik wan ienjel ah lait!

2 Corinthians 11:3

Bot, Ah fried seh sombady gwain liid unu astrie fahn di chruu lov weh unu gat fi Christ, siem laik how di sniek wehn trik Eve!

2 Corinthians 8:20

Unu fi nuotis seh, wi deh mek shuor seh nonbady gwain kyaahn kritisaiz wi fi how wi deh ker dis big gif yah tu dem.

Philippians 2:15

fi unu kyan ton out fi bii di kain a pikniny fi God weh gwain bii kliin ahn huoly bitout iivn wan likl faalt, wail unu deh liv mongs disya wikid ahn sik jinarieshan. Unu laif fi bii laik wan lait tu dem, laik di staar dem weh brait'op di skai iina di nait,

Colossians 1:9

Dat dah wai wi neva stap deh prie fi unu fahn di fos die wi wehn hier bout unu. Di chruut dah seh, wi aalwiez prie seh God wi shuo unu evryting ihn waahn unu fi du, ahn dat unu gwain gat aal di wizdom ahn andastandin weh di Spirit gi tu ihn pipl dem.

Colossians 4:5

Ahn az fi unu, wen unu deh wid pipl weh no chros iina Christ, du evryting wid wizdom. Tek advantij a evry chaans weh unu get fi tel dem di Gud Nyuuz.

1 Thessalonians 2:10

Unu dah fi wi wiknis, ahn God imself tu, dat wi wehn liv huoly ahn raichos, ahn nonbady kudn fain non faalt wid wi wail wi wende mongs unu weh chros iina Christ.

1 Thessalonians 5:22

bot no gat notn fi du wid enyting weh wikid.