Mark 9:32 - The New Testament in Islander Creole

³² Iivn duo Jesus disaipl dem hier wat ihn seh, dehn neva andastan weh ihn miin, bot dehn wehn fried fi aks im.

Mark 9:32 Iomraidhean Croise

Mark 16:14

Aftawod Jesus apier'op pan di eleven a dem wail dehn wende iit. Ahn ihn kaal dehn atenshan, bikaaz dehn neva waahn biliiv dem weh wehn si'im laiv.

Mark 7:18

Jesus aks dem, “Unu miin seh unu no andastan niida? Unu no nuo seh dah no notn weh wan porsn iit spail im?

Mark 8:33

Bot Jesus ton roun ahn luk pan di ada disaipl dem ahn tel Peter, “Gwaan fahn yah, Satan! Yuu ongl deh tink laik man, ahn no grii wid weh God waahn fi hapm!”

Mark 9:10

So dehn neva tel nonbady bout dis, bot aks mongs dehnself wat “kom bak fahn di ded” miin.

Luke 18:34

Bot di disaipl dem neva andastan wan ting bout weh Jesus wende seh. Di riil miinin a dis wehn haid fahn dem, ahn dehn neva nuo weh ihn wende taak bout.

Luke 2:50

Bot ihn pierans neva andastan weh ihn wende seh tu dem.

Luke 24:45

Den Jesus mek dem get fi andastan so dehn kuda nuo klier-klier weh di Skriptyo seh.

Luke 9:45

Bot Jesus disaipl dem neva andastan weh ihn wende trai fi tel dem, bikaaz di riil miinin wehn haid fahn dem. So ih neva klier weh Jesus wende seh, ahn dehn wehn fried fi aks im.

John 12:16

Fos di disaipl dem neva andastan non a di tingz dem weh wende hapm. Bot dah afta Jesus riez'op fahn di ded iina aala ihn gluory, den dehn memba seh aal di tingz weh wehn rait dong iina di Skriptyo bout im, dat dehn wehn du aala demde tingz tu im fi chruut.

John 16:19

Bot Jesus wehn nuo weh dehn wehn waahn aks im, so ihn seh tu dem, “Dah no chruut, unu no deh taak mongs unuself weh Ah miin wen Ah seh, ‘Wan likl wail muo ahn unu no gwain si mi no muo; ahn den afta wan nada likl wail, unu gwain si mi agen’?

John 4:27

Siem taim, Jesus disaipl dem kom bak, ahn dehn wehn sopraiz seh ihn wende taak tu wan uman, bot non a dem neva aks, “Dah weh yuu waahn?” or “Dah weh yuu deh taak tu shii fah?”