Mark 8:6 - The New Testament in Islander Creole

⁶ Den Jesus tel di kroud fi sidong pahn di grong, ahn ihn tek di seven bred, ahn gi God tanks fi it. Den ihn brok di bred dem iina piisiz ahn gi'ih tu ihn disaipl dem fi dehn paas ih roun tu di paila pipl dem.

Mark 8:6 Iomraidhean Croise

Matthew 26:26

Ahn az dehn wende iit, Jesus tek op wan bred ahn bles ih. Den ihn brok'ih iina piisiz ahn giv it tu ihn disaipl dem ahn seh, “Unu tek dis ahn iit'it. Dis dah mi bady.”

Mark 8:20

“Ahn wen Ah brok di seven bred fi fiid four thousand pipl, ho moch baaskit unu ful ah weh wehn lef?” Dehn ansa, “Seven.”

Mark 8:5

Ahn Jesus aks dem, “Ho moch bred unu gat?” Dehn ansa, “Seven.”

Mark 8:7

Ahn dehn wehn gat som likl fish tu. Jesus gi tanks fi dem, ahn tel di disaipl dem fi shier demde roun tu.

Luke 12:37

Ih gwain gud fi dem, wen di maasta fain dem redy deh wiet fi wen ihn kom bak. Ah deh tel unu: di maasta gwain put aan wan iepran ahn mek dem sidong fi iit, ahn sorv dem ihnself.

Luke 24:30

Wen Jesus wende sidong roun di tiebl wid dem, ihn tek wan bred, bles ih ahn brok'ih, ahn den ihn gi dem fi iit.

John 2:5

Ihn muma gaan ahed enywie ahn tel di sorvant dem seh, “Enyting weh ihn tel unu fi du, unu du'ih.”

John 6:23

Den som ada likl buot fahn Tiberias kom kluos dah di plies weh paat di pipl dem wehn iit di bred, afta di Laad wehn gi tanks far ih.

Romans 14:6

Di man weh tink wan die muo huoly an di neks, him deh du'ih fi ana di Laad. Ahn di neks wan weh tink seh ih rait fi iit aal kain a fuud, him deh iit miit fi ana di Laad tu, bikaaz ihn deh gi God tanks fi dah fuud. Dah di siem wie wid di man weh no iit miit nontaim. Ihn no iit'ih, bikaaz ihn waahn ana di Laad, ahn gi'im tanks tu.

Colossians 3:17

So den, bredrin, iina evryting weh unu du or seh, unu fi du'ih iina di niem a di Laad Jesus, wail unu gi tanks tu God di Faada chruu him!