Mark 8:34 - The New Testament in Islander Creole

³⁴ Den Jesus kaal di kroud ahn ihn disaipl dem nier tu him ahn seh, “If enywan a unu waahn kom wid mii, unu hafy figat bout unuself, tek op unu kraas —pripier fi sofa— ahn fala mi.

Mark 8:34 Iomraidhean Croise

Matthew 10:38

Ahn di wan weh no wilin fi bak ihn uon kraas —pripier fi sofa— ahn fala mi, no fit fi bii mi disaipl niida.

Matthew 16:24

Den Jesus seh tu ihn disaipl dem, “If enywan a unu waahn kom wid mii, unu hafy figat bout unuself, tek op unu kraas —pripier fi sofa— ahn fala mi.

Matthew 27:32

Wen dehn wehn gwain pahn di wie, dehn bok'op wan man fahn Cyrene sity weh wehn niem Simon, ahn dehn fuos im fi bak Jesus kraas.

Mark 10:21

Jesus luk striet pan im wid lov ahn tel im seh, “Yo stil gat wan ting muo fi du: Golang ahn sel weh yo gat, ahn gi di puor pipl dem di mony; den yo gwain get wan paila trezha iina hevn. Afta dat, kom ahn fala mi.”

Mark 7:14

Den Jesus kaal di paila pipl dem agen, ahn ihn tel dem, “Unu hier yah ahn andastan dis:

Luke 13:24

“Di duo fi go iina hevn naro, so beta trai du aal weh yo kyan du fi get iin. Plenty pipl gwain trai fi go iin, bot dehn gwain kyaahn du'ih.

Luke 14:33

So, nonbady kyaahn bii wan a mai disaipl, if ihn no lef aal weh ihn gat fi fala mi.

Luke 18:22

Afta Jesus hier im, ihn seh, “Yo stil gat wan ting muo fi du: Golang ahn sel aal weh yo gat ahn gi di puor dem di mony; den yo gwain get wan paila trezha iina hevn. Afta dat, kom ahn fala mi.”

Luke 20:45

Dis dah weh Jesus tel ihn disaipl dem wail di ada pipl dem wende lisn. Ihn seh,

Luke 9:23

Den Jesus seh tu aala dem: “If enywan a unu waahn kom wid mii, unu hafy figat bout unuself, tek op unu kraas evry die —pripier fi sofa— ahn fala mi.

John 10:27

Mi shiip dem hier mi vais; Ah nuo dem, ahn dehn fala mii.

John 19:17

So di suoldya dem ker im weh, ahn dehn mek im bak ihn kraas ihnself, ahn gaan dah di plies weh niem “Hed Skol Plies.” Iina di Jewish langwij dehn kaal'ih “Golgotha.”

Acts 14:22

Dehn gaan, gaan strentn ahn inkorij di biliiva dem fi dehn stan op strang fi dehn fiet. Ihn tel dem seh, “Wi hafy sofa plenty trobl iina disya laif fi go iina God Kingdom.”

Romans 6:6

Ahn wi nuo tu seh di laif weh wi yuuztu liv don ded siem laik wen dehn kil Jesus pahn di kraas, so dat di powa a sin weh yuuztu ruul wi laif kuda get distrai. Ahn dat miin wi no hafy stie sliev tu sin no muo.

Romans 8:17

Ahn sieka weh wi dah God pikniny, wi gwain get aal di blesin dem weh God deh kiip fi ihn pipl dem, ahn shier demde blesinz weh him deh kiip fi ihn Son tu. Bikaaz, if wi shier iina Christ sofarin, wi gwain shier iina fi him gluory tu!

1 Corinthians 15:31

Unu weh dah mi fren dem, Ai waahn unu fi nuo seh Ai fies det evry die! Ahn Ai kyan du'ih, bikaaz Ah so proud a weh Christ Jesus wi Laad wehn du fi unu!

1 Corinthians 8:13

So den, if weh Ai iit gwain mek mi breda faal iina sin, Ai no gwain iit no muo miit agen, bikaaz Ai no waahn bii rispansabl fi mek mi breda sin.

1 Corinthians 9:19

Ai dah wan frii man; Ai dah no nonbady sliev. Bot, Ai mek miself bii evrybady sliev, so dat Ah kyan bring az moch pipl az Ah kyan fi nuo Christ.

Galatians 2:20

Ahn di ting dah seh: dah no riily mii deh liv no muo, bot dah Jesus Christ himself deh liv iina mi. Ahn di wie Ai deh liv mi laif now dah bai di fiet weh Ah gat iina God Son, huu lov mi ahn wehn gi ihn laif fi mi.

Galatians 5:24

So, wen wi dah fi Jesus Christ, den wi uon sinful nietyo ahn aal demde tingz weh wi wehn yuuztu hat fi du, dah laik dehn get niel'op pahn wan kraas. Dehn ded fi chruut!

Galatians 6:14

Bot, az faar az Ai kansaan, Ah huop seh Ah neva buos bout enyting eksep weh fi wi Laad Jesus Christ du pahn di kraas. Ahn sieka dat kraas, dis worl no miin notn tu mii ataal, ahn Ai no miin notn tu dis worl niida!

Philippians 3:10

Ah waahn nuo Jesus Christ, ahn Ah waahn gat di siem powa weh riez'im op fahn di ded. Ah waahn get so nier tu im so Ah kyan fain out weh ih miin fi sofa —ahn fi iivn ded jos laik him,

Philippians 3:7

Wan taim Ah wehn tink seh aala dat wende prafit mi plenty, bot now —sieka Christ— Ah riiyalaiz seh demde tingz neva wot notn ataal!

Colossians 1:24

So, Ah ongl glad wen Ah kuda sofa fi unu iina mi bady, bikaaz den, Ah deh finish aaf weh lef a di sofarin weh Christ wehn hafy gaan chruu fi di chorch —weh dah ihn bady.

Colossians 3:5

So den, unu fi get rid ah aala demde sinful tingz now weh deh trai kanchruol unu. Unu fi kil aala dehn fiilinz, laik dem weh gat fi du wid eny kain a sin weh gat fi du wid seks. Ahn unu no fi liv eny kain a slak laif weh ful a los, nar kiip eny kain a bad tinkin iina unu main. Ahn unu no fi bii griidy, bikaaz dat miin seh unu deh waaship tingz muo an unu waaship God.

2 Thessalonians 3:11

Wi seh dis, bikaaz wi hier seh, som pipl weh deh mongs unu, weh ongl liezy. Aal weh dehn du dah main ada pipl bizniz!

Titus 2:12

Dat gries tiich wi seh: wi fi stap deh liv laik if non God no deh, ahn wi fi gi'op di plezha dem fahn di worl weh sinful. Ahn, wii fi liv wi laif deh kanchruol wiself —wan laif weh diisent ahn aanes —wan laif weh gwain pliiz God!

Hebrews 13:13

So den, iina di siem wie, mek wi go outsaida di sity wid him ahn shier di shiem weh ihn wehn sofa dehso.

1 Peter 4:1

So den, bikaaz Christ sofa yah iina ihn bady iina dis worl, unu fi tink jos laik how Christ wehn tink. So, wen unu deh sofa, unu gwain bii strang tu, bikaaz sin kyaahn kanchruol nonbady wen dehn deh sofa.

1 Peter 4:13

Insida dat, unu fi glad seh, unu deh get di chaans fi shier iina Christ sofarin, bikaaz aftawod unu gwain get di jai fi shier iina ihn gluory tu, wen di taim kom fi dehn shuo ih tu di pipl a disya worl.

2 Peter 1:14

Bot di Laad Jesus Christ don shuo mi seh mi diez dem pahn disya ort don nomba, ahn Ai suun ded.

1 John 3:16

Wi wehn get fi nuo wat dah riil lov, bikaaz Christ gi'op fi him uon laif fi wii. So den, wii shuda gi'op fi wi laif fi wan anada tu!

Revelation 2:10

Unu no fried fi weh unu gwain sofa. Di devl gwain put som a unu iina jiel fi trai unu out, fi si if unu riily chros God, fi chruut. Fi ten diez unu gwain sofa plenty. Bot unu no fi stap chros iina mi, iivn if ih ker unu tu unu det; ahn den, Ah gwain gi unu di kroun a laif!