Mark 8:33 - The New Testament in Islander Creole

³³ Bot Jesus ton roun ahn luk pan di ada disaipl dem ahn tel Peter, “Gwaan fahn yah, Satan! Yuu ongl deh tink laik man, ahn no grii wid weh God waahn fi hapm!”

Mark 8:33 Iomraidhean Croise

Matthew 15:23

Bot Jesus neva ansa im ataal. Den Jesus disaipl dehn kom ahn kiip deh tel im seh, “Sen im fahn yahso, bikaaz aal ihn deh du dah baal wi dong.”

Matthew 16:23

Bot Jesus ton roun ahn seh tu Peter, “Gwaan fahn yah, Satan! Yuu ongl deh hinda mii, bikaaz yu deh tink laik man, ahn no grii wid weh God waahn fi hapm!”

Matthew 4:10

Den Jesus tel im, “Gwaan fahn mi, Satan! bikaaz ih rait dong seh, ‘Yo fi waaship di Laad yo God ahn ongl him yo fi sorv.’ ”

Mark 3:34

Ihn luk pan di pipl dem ahn seh, “Luk yah! Demya dah mi muma ahn mi breda dem.

Mark 3:5

Den Jesus get beks ahn ihn luk roun pan dem, ahn ihn fiil sary seh dehn haat wehn so haad. Den Jesus tel di man, “Strech out yo han!” Ahn di man strech'ih out, ahn rait dehso ihn han get gud jos laik di ada wan!

Luke 22:61

Ahn di Laad Jesus ton roun ahn luk striet pan Peter. Den Peter memba weh di Laad wehn tel im: “Bifuor di ruusta kruo tudeh, yo gwain seh yo no nuo mi three taim.”

Luke 4:8

Jesus ansa, “Nuo, bikaaz ih rait dong seh, ‘Yo fi waaship di Laad yo God ahn ongl him yo fi sorv.’ ”

Luke 9:55

Bot Jesus ton roun ahn kaal dehn atenshan.

1 Corinthians 5:5

unu fi han daty man uova tu Satan fi ihn bady get distrai, so ihn spirit kyan get siev pahn Dat Die wen di Laad gwain kom bak!

Philippians 3:19

Ahn demde kain a pipl deh hed striet fi hel! Dehn ongl tink pahn wat dehn kyan put iina dehn bely, ahn dehn proud a dehn shiemful, doty wiez. Ahn aal weh deh pahn dehn main dah di tingz dem weh deh iina disya worl.

1 Timothy 5:20

Ahn demya elda weh yu fain gilty, yu fi karek dem iina di uopm fronta evrybady, so di res a di pipl dem gwain fried fi sin.

Titus 1:13

Ahn weh ihn wehn seh, dah chruut! So den, yuu fi taak haad tu demya kain a pipl so dehn kyan ripent ahn dehn fiet wi get beta.

1 Peter 4:1

So den, bikaaz Christ sofa yah iina ihn bady iina dis worl, unu fi tink jos laik how Christ wehn tink. So, wen unu deh sofa, unu gwain bii strang tu, bikaaz sin kyaahn kanchruol nonbady wen dehn deh sofa.

1 John 2:15

Pipl! Unu no fi lov di worl, niida di tingz dem weh deh iina di worl. If unu lov di worl, den di Faada lov no deh iina unu!

Revelation 3:19

Di pipl dem weh Ai lov, demde dah di wan weh Ai deh kaal dehn atenshan ahn den karek dem. So den, wid aala unu haat unu fi du weh rait ahn ton fahn unu sin dem.