Mark 8:23 - The New Testament in Islander Creole

²³ Jesus tek di blain man bai ihn han, ahn ker im outa di toun. Den ihn spit pan di man two ai, ahn ihn put ihn han pan im, ahn aks im, “Yu kyan si enyting?”

Mark 8:23 Iomraidhean Croise

Mark 5:23

Ihn seh, “Mi likl daata sik bad, ahn deh pan dai'in. Pliiz kom wid mi ahn put yo han pan im so ihn wi get beta ahn liv.”

Mark 7:33

So Jesus tek di man likl wiez fahn di kroud ahn put ihn finga iina di man iez. Den ihn spit, ahn toch di man tong, ahn luk op tu hevn, tek wan diip bret, ahn seh, “Ephphatha,” weh miin, “Uopm op!”

Mark 8:24

Di man luk roun ahn seh, “Yees! Ah kyan si pipl, bot dehn luk laik trii deh waak roun!”

Mark 8:26

Ahn Jesus sen di man striet huom ahn tel im no fi go bak iina di toun, [nar tel nonbady wat hapm.]

Acts 23:19

Di komanda huol di bwai han ahn ker im wan-said so nonbady kuda hier im, ahn ihn aks im, “Dah weh yu waahn tel mi?”

Acts 9:8

Den Saul get'op aafa di grong, ahn wen ihn uopm ihn ai, ihn kudn si notn ataal. So dehn tek ihn han ahn dehn ker im dah Damascus.

Hebrews 8:9

Dis nyuu agriiment no gwain bii laik di agriiment, weh Ah wehn mek wid fi dehn ansesta dem, wen Ah tek dem bai dehn han ahn liid dem outa Egypt. Dehn brok daty agriiment wid mii, so Ah ton mi bak pahn dem,” seh di Laad God.

Revelation 3:18

So den, Ah deh tel unu seh: Unu fi kom tu mii ahn bai pyuor guol, so dat unu kyan bii rich iina God sait. Ahn Ah deh tel unu seh: unu fi kom ahn bai wait kluoz fi wier, so dat unu no gwain paas shiem bikaaz unu niekit. Ahn kom, kom bai aintment fi put iina unu ai, fi unu kyan si.