Mark 7:9 - The New Testament in Islander Creole

⁹ Ahn Jesus kantinyo ahn seh, “Unu gat wan prity wie fi put wan-said God komaanment fi fala unu uon kostom.

Mark 7:9 Iomraidhean Croise

Mark 7:13

Dis dah weh hapm wen unu put God komaanment wan-said, ahn fala unu uon kostom ahn den tiich'ih tu ada pipl. Ahn unu du plenty ada ting laik dis.”

Mark 7:3

Bikaaz di strik Jew, ahn speshaly di Pharisee dem, neva iit, if dehn no du di rilijos kostom fi wash dehn han gud. Dehn fala wat di uoldn taim pipl yuuztu du.

Mark 7:5

So di Pharisee ahn di tiicha a di Laa dehn aks Jesus, “Wai fi yo disaipl dem no fala fi wi uol taim rilijos kostom laik evrybady els? Dehn no wash dehn han dem bifuor dehn iit.”

Romans 3:31

Bot dat miin seh wii deh seh di Laa no wot notn tu wi den, bikaaz wi chros iina Jesus? Nuo sah, nat ataal! Wi no gwain shub di Laa wan-said nontaim. Insida dat, wi shuo seh di Laa stil yet impuotant!

2 Corinthians 11:4

Bikaaz, ih luk laik unu redy fi biliiv enybady weh priich bout wan nada Jesus, difrent fram di wan weh wi wehn priich tu unu! Ahn unu redy fi get wan nada spirit tu, ahn unu iivn redy fi aksep wan difrent Gud Nyuuz fahn di wan weh unu wehn aksep fahn wi!

Galatians 1:14

Ahn Ah yuuztu tek mai Jewish rilijan sirios —muo sirios an eny ada pipl roun mai iej. Ai wehn ongl iiga fi fala aal di ruul ahn regyulieshan dem weh dehn paas dong fahn jinarieshan tu jinarieshan.

Galatians 2:21

So den, Ai wuda neva put dong di kainis ahn lov weh God shuo wi. If wi kuda get rait wid God, bikaaz wi kiip di laa, den Jesus Christ ded fi notn ataal!

2 Thessalonians 2:4

Main, dat dah di man weh gwain fait gens God, ahn aala di spirit ahn di tingz dem weh di pipl dem kaal dehn god, ahn dehn waaship. Disya man gwain put ihnself op hai, deh seh ihn gat muo powa an aala demya tingz. Ihn iivn gwain sidong iina God Templ ahn tel evrybady seh, dah him dah God ihnself!