Mark 7:4 - The New Testament in Islander Creole

⁴ Ahn dehn no iit notn weh dehn bai iina di maakit, if dehn no wash ih fos. Ahn dehn fala plenty ada uol rilijos kostom laik di rait wie fi wash kop, pat, biesn, ahn tiebl.

Mark 7:4 Iomraidhean Croise

Matthew 23:25

“How haad unu gwain gat'ih, unu tiicha a di Laa ahn Pharisee pipl, unu hipokrit! Unu mek shuor seh unu kliin evryting pan di outsaid weh pipl kyan si, laik unu kop ahn unu pliet, bot iina unu haat unu griidy ahn wikid!

Matthew 23:26

Pharisee pipl, unu blain! Fos unu fi kliin unu haat, laik unu kliin di iinsaida unu kop ahn unu pliet; den di outsaid kyan stie kliin tu.

Matthew 27:24

Pilate si seh ihn kudn get notn ataal fi help Jesus; di ongl ting ihn si seh gwain hapm, dah wan big skaandal gwain suun brok out. So ihn tek som waata ahn wash ihn han dem fronta di pipl dem, ahn seh, “Ai inosent fahn enyting weh hapm tu dis man. Dah unu unuself gwain rispansabl fi wat gwain hapm.”

Mark 7:8

“Unu si, unu put God komaanment wan-said ahn fala man kostom, [laik di wie unu seh fi wash unu biesn, ahn unu kop dem. Ahn unu du plenty ada ting laik demya.]”

John 2:6

Now six mog mek outa stuon wehn dedeh so, weh di Jew wehn yuuztu yuuz fi dehn washin serimony. Iich wan a di mog dem kuda huol bout twenty tu thirty gyalan a waata.

John 3:25

Now som a John disaipl dem wende aagyo wid wan Jewish man bout di washin serimony weh di Jew dehn du.

Hebrews 9:10

bikaaz aala demde ruul bout weh yu kuda iit, ahn weh yu kuda jrink, ahn difrent kain a serimony fi wash yoself, dehn ongl wehn gwain laas til wen God chienj dem fi somting beta.

James 4:8

Kom nier tu God, ahn ihn gwain kom nier tu unu tu. Unu sinaz, wash unu han dem! Ahn unu hipokrit, unu fi kliin unu doty haat tu!

1 John 1:7

Bot, if wi deh liv iina di lait —laik how him deh iina di lait— den wi shier laif wid wan anada, ahn di blod a Jesus, God Son, kliin wi fahn aal di sin dem.