Mark 4:6 - The New Testament in Islander Creole

⁶ Aftawod wen di son kom out, ih bon'op di likl trii dem, bikaaz di ruut neva gaan diip nof, ahn di plaant dem drai op.

Mark 4:6 Iomraidhean Croise

Matthew 13:6

Aftawod wen di son kom out, ih bon'op di likl trii dem, bikaaz di ruut neva gaan diip nof, ahn di plaant dem drai op.

Mark 4:5

Ahn som a di ada siid drap pan raky grong, weh paat plenty dort neva deh. Di siid dem sprout op siem taim bikaaz di dort neva diip nof.

Mark 4:7

Ahn som ada siid drap mongs di prikl, ahn di siid dem sprout op, bot di prikl gruo'op uova di likl trii dem ahn chuok dem, so dehn kudn bier notn.

Ephesians 3:17

Ahn Ah deh prie tu seh, dat az unu deh chros iina Christ, ihn gwain set op ihn huom iina unu haat; so dat wateva unu du, unu wi du'ih sieka unu lov fi him;

Colossians 2:7

Unu fi mek unu ruut dem go diip dong iina Christ, so dat him fi bii di foundieshan fi unu laif! Den, unu gwain gruo muo stranga iina unu fiet, ahn muo stranga iina di chruut weh dehn wehn tiich unu. Den, unu laif gwain ful'op a tanks fi aal weh ihn du fi unu.

2 Thessalonians 2:10

Ihn gwain du aal kain a wikid tingz tu, weh gwain fuul demya pipl weh gwain get laas, bikaaz dehn neva waahn lov di chruut, so dehn kuda get siev.

James 1:11

Di son kom op wid plenty hiit ahn wida di plaant, ahn di flowaz dem jrap aaf, ahn dehn no luk prity agen. Dah rait so di rich man gwain fied-weh ahn disapier, iivn wail ihn deh ten tu ihn bizniz.

Jude 1:12

Ahn sieka demde shiemful ahn selfish tingz weh dehn deh du, demde kain a pipl dah laik som doty stien weh spail'op di taim weh unu gat —dah taim wen unu kom tugeda fi iit wid wan anada. Dehn drink ahn laaf til dehn dronk! Dehn dah laik shepad weh fiid ongl demself, insida tek kier a dehn shiip! Demde kain a pipl dah laik dehn kloud weh di briiz bluo uova drai lan, bot no bring non rien ataal. Dem dah laik dehn trii weh no bier notn, nat iivn wen dah taim kom fi pik fruut. Demde pipl, dehn ded two taim bikaaz dehn don dig out fahn dehn ruut!

Revelation 7:16

Dehn no gwain get hongry no muo, ahn dehn no gwain get torsty agen niida. Di son no gwain bon dem op. Ahn no hiit no gwain du dem non damij niida.