Mark 4:34 - The New Testament in Islander Creole

³⁴ Jesus wehn ongl deh yuuz parabl fi tiich di pipl dem; ahn wen ihn wende him wan wid di disaipl dem, ihn wuda eksplien tu dem di huol miinin a di parabl dem.

Mark 4:34 Iomraidhean Croise

Matthew 13:34

Jesus tel di pipl dem aal demya tingz iina parabl. Ihn neva tel dem wan ting bitout yuuz wan parabl.

Mark 4:10

Aftawod wen Jesus wende him wan, som a dem weh wehn hier im, kom wid di twelve disaipl ahn aks im fi eksplien di parabl weh ihn tel dem.

Mark 4:33

Ahn Jesus yuuz plenty muo parabl laik dis fi tiich di pipl dem, ahn ihn tel dem az moch az dehn kuda andastan.

Luke 24:27

Den Jesus eksplien evryting weh wehn rait dong iina di Skriptyo bout ihnself tu dem. Ihn staat fahn Moses ahn kom rait dong tu aal di prafit dem.

John 10:6

Now, Jesus wende taak tu dem iina parabl, bot dehn neva andastan weh ihn wende tel dem.

John 16:25

“Ah yuuztu taak tu unu bout demya tingz iina parabl, bot di taim deh kom wen Ah no gwain taak so no muo. Den Ah gwain taak tu unu klier bout di Faada.

Acts 28:23

Den dehn gi Paul wan die weh dehn fi kom weh im stie; ahn plenty a dem kom, iivn muo an di fos taim. Ahn ihn tel dem bout God Kingdom fahn maanin til liet iina di iivnin deh trai fi kanvins dem fahn weh Moses ahn di prafit dem rait seh Jesus dah di Mesaya fi chruut.