Mark 4:15 - The New Testament in Islander Creole

¹⁵ Som taim, laik di siid weh drap pan di trak ruod, di pipl dem hier di mesij, bot laik di bord weh iit'op di siid, Satan kom faas ahn tek weh di mesij ahn di pipl dem no andastan.

Mark 4:15 Iomraidhean Croise

Matthew 13:19

Di siid wi bii laik God Wod, ahn som taim, laik di siid weh drap pan di trak ruod, wan man hier di mesij bout di Kingdom, bot laik di bord weh iit'op di siid, di devl kom ahn tek weh di mesij, so di man neva andastan ih ahn kiip'ih iina ihn haat.

Matthew 22:5

Bot di pipl dem neva pie non main ahn gaan weh. Wan gaan dah ihn grong, ahn di ada wan dah ihn bizniz.

Matthew 4:10

Den Jesus tel im, “Gwaan fahn mi, Satan! bikaaz ih rait dong seh, ‘Yo fi waaship di Laad yo God ahn ongl him yo fi sorv.’ ”

Mark 4:14

Di faama weh deh plaant di siid, dah laik di mesinja weh deh ker God mesij tu ada pipl.

Mark 4:16

Som taim, laik di siid weh drap pan di raky grong, di pipl hier di mesij ahn risiiv ih siem taim, ahn ih mek dem glad.

Mark 4:4

Ahn wen ihn wende skyata di siid dem, som a ih faal lang di trak ruod, ahn di bord dem kom ahn iit dem op.

Luke 8:12

Di siid dem weh drap pan di trak ruod dah laik dem weh hier. Bot di devl kom faas laik wan bord ahn tek weh di mesij fahn dehn haat, so ihn wi henda dem fahn biliiv ahn get siev.

Acts 17:32

Now, wen Paul taak bout di rezorekshan, som a dem laaf afta im, bot som ada wan seh, “Wi waahn hier muo bout dis lieta.”

Acts 5:3

Bot Peter tel im seh, “Ananias, how yuu mek Satan kanchruol yo main, man! Yuu deh tel di Holy Spirit wan lai, wen yo kiip bak som a di mony fi yoself ahn den yu priten seh yo wende gi aala ih!

2 Corinthians 2:11

Ahn Ah du dat so Satan kyaahn out-smaat wi iina notn; bikaaz wi nuo aal weh deh iina fi him main gens wi.

2 Thessalonians 2:9

Disya Wikid Wan gwain kom wid di powa weh Satan gi'im, ahn ihn gwain du aal kain a faals mirakl, ahn sain, ahn wandaz; ahn ihn gwain fuul'op plenty pipl.

Hebrews 12:16

Unu main! No mek non a unu sliip roun niida, nar shuo non rispek fi somting weh huoly, laik Esau wehn du, wen ihn sel aala fi him raits az di uolda son fi wan likl miiga miil. Imajin!

Hebrews 2:1

So dat dah wai wi hafy pie plenty atenshan tu aal di tingz weh wi wehn hier aredy —aal demde tingz weh dah chruu— so wi no get fi drif-weh fahn dem.

1 Peter 5:8

Stie pahn unu gyaad tu, ahn wach out! Unu enimy —weh dah di devl— him dah laik wan laiyan weh deh ruor. Him deh waak roun fahn plies tu plies deh si huu ihn kyan iit'op!

Revelation 12:9

So, Michael ahn fi him ienjel dem chruo di big jragan fahn outa hevn. Him dah wehn di uol sniek weh dehn kaal di Devl, or Satan, weh fuul'op aal di pipl dem pahn di ort. So den, Michael ahn ihn ienjel dem pich im dong pahn di ort wid aala ihn ienjel dem.

Revelation 20:10

Den, di devl —weh wehn fuul'op di pipl dem— get chruo iina di liek weh wehn ful'op wid faiya weh deh bon wid solfa. Dat dah di siem plies weh dehn wehn pich di biis ahn di faals prafit. Ahn dah faiya gwain taament dem die ahn nait fareva ahn eva!

Revelation 20:7

Den, afta wan thousand yierz paas, Satan gwain get le'go fahn weh him wehn lak'op, fi go, go fuul'op di nieshan dem iina di four kaana a di worl. Dehn nieshan deh, wehn niem Gog ahn Magog; ahn Satan gwain gyada dem tugeda fi mek waar. Ih gwain bii wan huol lata dem, laik di nomba a di san grien dem weh deh pahn di sii shuo.