Mark 3:9 - The New Testament in Islander Creole

^9-10 Den Jesus tel ihn disaipl dem fi get wan buot redy fi ihn get iina ih so di kroud wudn skwiiz'im op, bikaaz ihn kyuor plenty pipl daty die, ahn plenty sik pipl wende shub dehn wie chruu di kroud jos fi toch im.

Mark 3:9 Iomraidhean Croise

Matthew 15:39

Afta Jesus don sen weh di pipl dem, ihn get iina ihn buot ahn gaan dah Magadan sekshan.

Mark 4:1

Ahn agen Jesus staat tiich dong dah di sii-said. Ahn wan paila pipl gyada op roun im. Ih wehn uova big, so Jesus wehn hafy get'op iina wan buot, ahn sidong iina ih. Dehn ker di buot likl wiez out iina di liek, ahn di pipl dem wende stan op pan di bie deh lisn.

Mark 4:36

So di disaipl dem get iina di buot weh Jesus wende iina, ahn dehn lef di paila pipl bihain. Ahn som ada buot wehn dedeh deh fala dem.

Mark 5:2

Ahn wen Jesus get outa di buot, siem taim ihn bok'op pan wan man weh wende kom outa di berin grong. Dis man wehn gat iin wan bad spirit iina im.

Mark 5:30

Wen dis hapm, Jesus nuo siem taim seh som a ihn hiilin powa gaan outa im. Ahn ihn ton roun ahn seh, “Huu toch mi kluoz?”

Mark 6:32

So dehn gaan out iina wan buot kraas di liek dah wan plies weh nonbady neva deh fi kyan dedeh dem wan.

Luke 5:1

Wan die wen Jesus stan op saida Gennesaret sii, di pipl dem wende kroud roun im fi hier God Wod.

Luke 5:3

So Jesus get iina wan a di buot dem —di wan fi Simon— ahn aks im fi go likl bit forda out fahn di edj. Den Jesus sidong ahn tiich di pipl dem fahn rait iina di buot.

John 6:15

Den, wen Jesus si seh di pipl wehn waahn fuos im fi bii king, ihn gaan weh foor fahn dem agen op pahn di mountin bai ihnself.