Mark 3:5 - The New Testament in Islander Creole

⁵ Den Jesus get beks ahn ihn luk roun pan dem, ahn ihn fiil sary seh dehn haat wehn so haad. Den Jesus tel di man, “Strech out yo han!” Ahn di man strech'ih out, ahn rait dehso ihn han get gud jos laik di ada wan!

Mark 3:5 Iomraidhean Croise

Matthew 12:13

Den Jesus seh tu di man weh ihn han wehn kripl, “Strech out yo han.” Ahn di man strech'ih out ahn rait dehso ihn han get gud jos laik di ada wan!

Mark 3:4

Den Jesus aks di pipl, “Wat wi Laa seh wi fi du pan di Sabat die? Gud or bad? Fi help pipl or fi haam dem? Fi siev wan man laif or fi kil im?” Bot nonbady neva ansa Jesus.

Luke 13:15

Bot di Laad ansa seh, “Unu hipokrit! Aala unu no luus unu kow or unu danky dem outa di pen fi ker dem go drink waata pan di Sabat die?

Luke 17:14

Wen Jesus si di man dem, ihn seh tu dem, “Go mek di priis dem si unu.” Ahn az dehn wehn gwain lang, dehn get kyuor; dehn skin get beta!

Luke 6:10

Jesus luk roun pan aala dem, ahn den ihn seh tu di man, “Strech out yo han!” Ahn di man strech'ih out, ahn rait dehso ihn han get gud jos laik di ada wan!

John 9:7

ahn ihn tel im, “Go, go wash aaf yo ai dem iina di puul weh niem Siloam.” (Siloam miin “fi Sen” iina fi dem langwij.) So di man gaan, gaan wash ihn ai dem, ahn afta dat, ihn gaan bak huom deh si gud!

Romans 11:25

Bredrin, Ah waahn unu andastan bout wan plan fi di Jew dem weh God neva mek evrybady nuo bout til tudeh. Ahn ih gud fi nuo disya plan now fi mek unu no tink tuu moch pahn unuself. Di plan dah dis: di pipl fahn Israel no gwain stie haad-hedid fareva. Dehn ongl gwain stan so, til aala demde pipl weh dah no Jew weh God don pik, kom tu him.

2 Corinthians 3:14

Bot jos laik how Moses fies wehn kova op, siem wie so di pipl fahn Israel dehn main wehn get kova uova wid wan viel, so dehn no andastan wen dehn riid di buk dem a di Uol Agriiment! Dah ongl wen dehn chros iina Christ, dah viel kyan get tek weh fahn aafa dehn main.

Ephesians 4:18

Dehn haat no uopm ahn dehn main uova daak, so dehn kyaahn andastan di laif weh God gi. Dehn don ton stobant, ahn so dehn kyaahn laan notn ataal!

Ephesians 4:26

So, if unu beks so bad til unu deh si red, unu no fi mek dat mek unu sin muo wosa; bot siem taim mek'ih rait agen wid yo breda. Ahn no mek di son go dong wen unu stil yet beks wid im niida!

Ephesians 4:30

Den, unu no fi mek di Holy Spirit sad niida. Bikaaz God Spirit dah weh ihn yuuz fi maak unu, fi shuo seh unu dah fi him; ahn him dah unu garanty fi wen di die kom, wen di Laad ihnself gwain set unu frii!

Hebrews 3:10

So Ai, God, wehn uova beks wid dem, ahn Ai seh, ‘Unu aalwiez deh ton weh fahn mi. Unu neva waahn du weh Ah tel unu.’

Hebrews 3:17

Ahn dah huu dah wehn di pipl dem weh wehn get God so beks wid dem fi forty yierz? Dah neva demde pipl weh wehn sin ahn en'op deh jrap dong ded rait deh iina di dezart? Yees, dah dem siem pipl!

Hebrews 5:9

Ahn so, wen Jesus kom fi bii porfek iina God sait, chruu him aal demde pipl weh obie God kuda get siev, ahn liv fareva!

Revelation 6:16

Den, dehn kaal out haad tu di mountin ahn di big rak dem seh, “Pliiz, pliiz! Faal dong pahn wi ahn haid wi fahn di ai a di Wan weh deh sidong pahn di chruon, ahn fahn di raat a di Lam!