Mark 2:5 - The New Testament in Islander Creole

⁵ Wen Jesus si ho moch fiet di man dem wehn gat iina ihn powa, ihn seh tu di man weh wehn paralaiz, “Mi son, Ah paadn yo sin dem.”

Mark 2:5 Iomraidhean Croise

Matthew 9:2

Afta ihn get bak deh, som pipl wende ker wan man weh wehn paralaiz —weh kudn muuv ataal— pahn wan strecha. Wen Jesus si ho moch fiet dehn wehn gat iina ihn powa, ihn seh tu di man weh wehn paralaiz, “No wory, mi son, Ah paadn yo sin dem.”

Matthew 9:22

Wen Jesus ton roun ahn si'im, ihn tel im, “No fried, daata! Yo fiet mek yo get beta.” Ahn fahn deh, di uman get kyuor.

Matthew 9:5

Wat iiziya fi seh: ‘Ah paadn yo sin dem,’ or ‘Get'op ahn waak?’

Mark 2:6

Now, som a di tiicha a di Laa weh wende sidong, deh seh iina dehn main,

Mark 5:34

Ahn Jesus seh tu im, “Daata, yo fiet mek yo get beta. Yo kyan go huom now iina piis. Yo sofarin uova now.”

Luke 5:20

Wen Jesus si ho moch fiet di man dem wehn gat iina ihn powa, ihn seh tu di man weh wehn paralaiz, “Fren, Ah paadn yo sin dem.”

Luke 8:48

Jesus seh tu di uman, “Daata, yo fiet mek yo get beta. Yo kyan go huom now iina piis.”

John 2:25

Nonbady neva hafy tel him how dem pipl stie, bikaaz ihn wehn nuo aredy.

John 5:14

Aftawod Jesus fain di man iina di Templ ahn tel im, “Yu si how yo get beta? Wel, stap deh sin if yu no waahn notn wosa an dat hapm tu yo.”

Acts 11:23

Wen Barnabas get dehso ahn si how God wende bles di pipl dem, ihn wehn uova glad ahn ihn inkorij di biliiva dem fi stie nier di Laad no mata wat hapm!

Acts 14:9

So, az Paul wende priich, di man wende lisn wid aal ihn haat. Paul si how ihn wende hier im, ahn si seh ihn wehn gat fiet fi get kyuor. So Paul luk striet pahn im,

Acts 5:31

God wehn ana im plenty, wen ihn mek im sidong pahn ihn rait han said fi bii Prins ahn Sievya, so ihn kuda gi wi Israel pipl di chaans fi chienj wi wikid wiez so ihn kuda fargiv wi sin dem.

1 Corinthians 11:30

Ahn das wai plenty a unu so wiik ahn sik, ahn som a unu iivn ded!

2 Corinthians 2:10

Ai fargiv enybady weh unu fargiv. Ahn wen Ai fargiv dem —if enyting deh fi fargiv— Ah du'ih sieka unu, wid Christ az mi wiknis.

Ephesians 2:8

So, wen God siev unu, dah bikaaz dah fi him gries chruu di fiet weh ihn gi unu fi chros iina im. Dis no gat notn fi du wid unu ahn weh unu kuda du; ih dah wan gif fahn God aluon!

Colossians 3:13

Unu fi aalwiez bier'op wid wan anada, ahn if enybady du unu enyting bad, fargiv dem. Ahn jos laik how di Laad wehn fargiv unu, rait so unu shuda fargiv wan anada tu!

James 5:15

Ahn wen dehn prie wid fiet, di Laad gwain mek di sik porsn get beta; dehn gwain stan op strang agen. Ahn if dehn wehn sin, God gwain fargiv dem tu.