Mark 2:16 - The New Testament in Islander Creole

¹⁶ Bot wen di tiicha a di Laa weh deh mongs di Pharisee gruup dem si Jesus deh iit wid di taks kalekta ahn di sina dem, dehn komplien tu Jesus disaipl dem ahn aks dem seh, “Bot how ihn kyan stan fi iit ahn drink wid demde kain a pipl?”

Mark 2:16 Iomraidhean Croise

Matthew 18:17

If, ih kom fi hapm seh ihn ignuor dem tu, tel di chorch. Ahn if ihn ignuor di chorch tu, unu kyan kount'im laik wan piegan Gentile ahn wan taks kalekta.

Matthew 5:46

Bikaaz, if yo ongl lov di pipl dem weh lov yo, wai yo wuda waahn get bles den? Dongtu di taks kalekta dem du dat.

Matthew 9:11

Wen di Pharisee pipl si wat wende hapm, dehn komplien tu Jesus disaipl ahn aks dem seh, “Bot how fi unu tiicha kyan stan fi iit wid demde kain a pipl?”

Mark 2:15

Lieta Jesus gaan iit dah Levi hous, ahn wan paila taks kalekta ahn som ada pipl weh dehn kaal “sinaz” wende sit dong wid him ahn ihn disaipl dem —bikaaz plenty pipl wende fala Jesus.

Mark 2:7

“Dah weh du disa man weh taak laik so; ihn tink seh him dah God iikwal? Huu kyan fargiv sin; dah no God aluon?”

Luke 18:11

Di Pharisee gaan ahn stan op bai ihnself ahn staat prie laik dis: ‘God, Ai tank yo seh Ai no stie laik ada pipl weh tiif, du aal kain a bad tingz, ahn weh komit adolchry —or iivn laik dis tiifin taks kalekta yahso.

Luke 19:10

Yo si, di Son a Man kom fi luk fi dem weh laas ahn fi siev dem.”

Luke 19:7

Wen di pipl dem si dis, dehn staat grombl ahn seh, “Ihn gaan, gaan stie dah wan sina hous.”

Luke 5:30

Bot wen di Pharisee ahn di tiicha a di Laa iina dehn gruup si dem deh iit wid di taks kalekta ahn di sina dem, dehn komplien tu Jesus disaipl dem, ahn aks dem seh, “Bot how unu kyan stan fi iit ahn drink wid demde kain a pipl?”

Acts 23:9

So big rokshan wehn dedeh. Ahn som a di tiicha a di Laa weh dah paat a di Pharisee gruup dehn get hat ahn jomp op deh seh, “Wii no fain notn rang wid dis man. Sopuoz dah wan spirit or wan ienjel deh taak tu im? Den, dat wuda eksplien evryting!”

1 Corinthians 2:15

Bot di pipl dem, weh mek God Spirit liid dem, kyan joj evryting karek. Ahn nonbady kyaahn joj dem;

Hebrews 12:3

So den, tink bout Jesus egzampl; tink bout aal di teribl tingz weh Jesus wehn hafy put'op wid —aala demde sinful pipl weh triit im uova bad. Den, unu no gwain get diskorij ahn gi'op niida!