Mark 16:19 - The New Testament in Islander Creole

¹⁹ Ahn afta di Laad Jesus don taak tu ihn disaipl dem, ihn get ker'op dah hevn ahn den ihn sidong pahn God rait said.

Mark 16:19 Iomraidhean Croise

Mark 16:20

Ahn ihn disaipl dem gaan ahn priich evrywie, ahn di Laad wende work wid dem. Ihn shuo seh wat dehn wende priich dah wehn chruut, bikaaz ihn gi dem powa fi mek mirakl hapm.]

Luke 22:69

Bot fahn now aan di Son a Man gwain deh sidong dah di plies a ana, weh deh dah di rait han saida di Aalmaity God.”

Luke 9:51

Wen di taim wende get nier fi Jesus get ker bak dah hevn, ihn disaid seh dah wehn di taim ihn hafy go Jerusalem,

John 13:1

Di iivnin bifuor di Paasuova selibrieshan, Jesus wehn nuo seh di taim kom fi mek im lef dis worl ahn go bak tu di Faada. Ihn wehn aalwiez lov aala dem weh deh iina di worl weh dah fi him, so now ihn shuo dem seh fi him lov fi dem wuda neva don nontaim.

John 16:28

Yees, Ah kom fahn di Faada ahn kom iina di worl; ahn now Ah gwain lef disa worl ahn go bak tu di Faada agen.”

John 17:13

“Now Ah suun kom tu yu, bot Ah deh seh aala demya tingz wail Ah stil deh yah iina di worl, so mi falowa dehn haat kyan ful'op a di siem hapinis weh deh diip dong iina mi haat.

John 20:17

Jesus tel im, “Mary, stap deh huol aan pahn mi, bikaaz Ah no gaan op tu di Faada yet. Bot go dah mi breda dem ahn tel dem seh, ‘Ah gwain op dah mi Faada, weh dah fi unu Faada tu; Ah gwain dah mi God, weh dah fi unu God tu.’ ”

John 21:15

Wen dehn don iit, Jesus seh tu Simon Peter, “Simon, yu weh dah John son, yu lov mi muo an di res a dem?” Peter ansa seh, “Yees, Laad, yu nuo Ah lov yo.” Jesus tel im, “Den, fiid mi lam dem.”

John 21:22

Jesus tel im, “If Ah waahn him liv til Ah kom bak, wat mek yu waahn nuo weh gwain hapm tu im? Weh yu fi du, dah fala mii.”

John 6:62

Den sopuoz unu kuda si di Son a Man deh go bak op dah di plies weh ihn kom fram den?

Acts 1:22

fahn wen John baptaiz di pipl dem til di die Jesus gaan op iina hevn. Ahn ihn wehn gwain hafy si Jesus afta ihn rezorekshan, so ihn kyan tel di pipl bout'ih tu.”

Acts 2:33

Den God gi Jesus di bigis ana, wen ihn put im fi sidong pahn ihn rait han said; ahn gi'im di Holy Spirit jos laik how ihn wehn pramis him. Dis dah weh unu deh si ahn hier yah tudeh.

Acts 3:21

Bot fos Jesus gwain stie op dah hevn til di taim kom fi ihn mek evryting nyuu. God wehn anouns dis chruu ihn huoly prafit dem fahn lang taim abak.

Romans 8:34

Nonbady kyaahn kandem unu fi sin, bikaaz Christ Jesus dah di Wan weh don ded fi wi, ahn dah him dah di Wan weh God riez'op bak fahn di ded fi liv agen, ahn mek im sidong pan ihn rait han said, weh paat Christ deh prie haad fi wii aal di taim!

Colossians 3:1

Bredrin, wen God wehn riez'op Jesus Christ, unu wehn get riez'op wid him tu. So den, unu fi set unu haat pahn di tingz weh deh iina hevn weh paat Christ deh sidong pahn ihn chruon —di muos impuotant siit bai God rait han said!

1 Timothy 3:16

Dis dah di siikrit bout fi wi fiet, ahn nonbady kyaahn aagyo gens ih: Christ wehn kom iina di worl az wan hyuuman, ahn God Spirit pruuv seh him wehn raichos. Di ienjel dem si'im, ahn di pipl dem wehn taak bout im iina aal di difrent nieshan dem. So dat, iina di worl plenty pipl kom fi chros iina him —di Wan weh God wehn tek op dah hevn.

Hebrews 1:3

God Son dah di Lait weh shuo wi God griet gluory. So, wen unu si di Son, unu deh si God tu, bikaaz di Son dah di siem jos laik God. Ahn chruu di powa a ihn wod, di huol worl ahn evryting weh egzis, deh huol tugeda. So, wen God Son don wash weh fi wi sin dem, ihn gaan op iina hevn, gaan sidong bai di rait saida God di Muos Powaful Wan!

Hebrews 12:2

Ahn mek wi kiip wi ai dem pahn Jesus, bikaaz wi fiet dipen pahn him fahn staat til wi get dah di en! Memba seh: him gaan chruu di shiem ahn mek dem niel'im op pahn wan kraas, ahn ihn neva tink notn a ih bikaaz ihn nuo seh, pahn di en ihn wehn gwain mek im hapy fi du'ih. Ahn now, ihn deh sidong pahn di rait han saida God chruon!

Hebrews 4:14

So den, bredrin, bikaaz wi gat wan griet Hai Priis weh dah Jesus, di Son a God, weh gaan op iina hevn, mek wi huol aan tait tu weh wi wehn seh ahn biliiv bout im.

Hebrews 6:20

So den, bredrin, Jesus don gaan deh, hed a wii, ahn him dah fi wi Hai Priis fareva siem laik how Melchizedek dah wehn Hai Priis lang-lang taim abak!

Hebrews 7:26

Jesus dah di kain a Hai Priis weh wi niid, bikaaz him huoly ahn inosent, ahn nonbady kyaahn fain non faalt wid im, ahn ihn no gat no sin iina im ataal. God set im wan-said fahn aala di sina dem, ahn gi'im di haiyis plies ahn ana iina hevn.

Hebrews 8:1

Now di huol ting weh wi deh seh, dah dis: Fi wi Hai Priis deh sidong pahn di rait han saida di Griet Chruon a God Aalmaity op iina hevn.

Hebrews 9:24

Bikaaz, Christ neva gaan iina wan huoly plies weh hyuuman mek, weh dah wan kapy a di riil wan. Nuo sah, ihn gaan iina hevn ihself, fronta God, fi taak'op fi wii!

1 Peter 3:22

Den, Christ gaan op iina hevn weh paat ihn deh sidong pahn di rait han saida God. Ahn now ihn deh ruul uova aal di ienjel, ahn di atarity, ahn di powa dem —aala dem hafy du weh ihn seh dehn fi du!