Mark 16:15 - The New Testament in Islander Creole

¹⁵ Ihn tel aala dem, “Unu go chruu di huol worl ahn priich di gud nyuuz tu evrybady.

Mark 16:15 Iomraidhean Croise

Matthew 28:19

so unu fi go, go mek plenty disaipl fahn outa aal di difrent gruup a pipl evry weh dehn deh. Baptaiz dem iina di niem a di Faada, di Son, ahn di Holy Spirit,

Mark 13:10

Ahn bifuor aal dis hapm, aal di pipl dem mos hier di gud nyuuz fos.

John 15:16

“Unu neva pik mii, bot dah mii weh pik unu ahn sen unu fi bier fruut, di kain a fruut weh gwain laas lang taim. Sieka dat, mi Faada gwain gi unu enyting weh unu aks im fah iina mi niem.

John 20:21

Jesus tel dem agen, “Piis deh wid unu. Siem wie how di Faada wehn sen mi, dah rait so Ah deh sen unu.”

Acts 1:2

fahn di taim ihn staat ihn work, til di die ihn get ker'op dah hevn. Bot bifuor ihn gaan op, ihn gi di apasl dem weh ihn wehn pik di aada dem weh ihn wehn get fahn di Holy Spirit.

Acts 1:8

Bot wen di Holy Spirit kom dong pahn unu, unu gwain get plenty powa, ahn unu gwain kyan go aal bout di plies deh tel di pipl bout mii. Unu gwain du dis iina Jerusalem, den di huol a Judea lan, den Samaria lan, iivn dongtu di laas paat a di worl.”

Romans 10:18

Mek Ah aks unu somting: di Jew dem neva hier di mesij? Yees, dem wehn don hier'ih. Dah jos laik weh di Skriptyo seh: “Aal di pipl aal uova di worl wehn get fi hier dah mesij, weh di mesinja dem tel dem. Dehn mesij gaan out iivn dongtu di laas paat a di worl.”

Romans 16:26

Bot now God —weh liv fareva— deh mek evrybady gwain kyan nuo bout'ih chruu di mesij weh di prafit dem wehn rait. Ahn ihn du dat so di pipl fahn aal di nieshan dem fahn di worl gwain kyan chros iina ihn Son ahn obie im! Dah fi wi Faada God weh dah di ongli'is wan weh gat aal di wizdom iina evryting! Mek wi priez him fareva ahn eva chruu Jesus Christ. Amen!

Ephesians 2:17

So Christ himself wehn kom ahn priich di Gud Nyuuz a piis tu evrybady, so di Jew ahn di Gentile pipl dem kuda liv iina piis wid wan anada. Ihn priich dah siem mesij tu unu weh dah no Jew, weh wende faar fahn God; ahn tu wii Jew weh wende nier tu im.

Colossians 1:23

Bot unu hafy kiip aan deh chros ahn stie strang iina unu fiet, ahn unu no fi mek nonbady mek unu get fried iina di huop weh unu wehn get wen unu wehn fos hier di Gud Nyuuz. Dis dah di Gud Nyuuz weh wehn priich tu evrybady iina di worl. Ahn mii, Paul, deh work fi priich dat Gud Nyuuz tu!

Colossians 1:6

Disya Gud Nyuuz bout Jesus Christ kiip aan deh bring blesinz pahn tapa blesinz, ahn now ih deh spred aal uova di worl! Ahn dat dah di siem wie ih wehn spred mongs unu fahn di die unu fos hier bout disa gries a God, ahn unu get fi andastan di chruut bout'ih.

1 John 4:14

Wii don si fi wiself ihn lov, so now wi kyan mek evrybady nuo seh, di Faada wehn sen ihn Son fi siev di worl!

Revelation 14:6

Den, Ah si wan nada ienjel deh flai op iina di skai, ahn ihn wehn tel di pipl dem weh liv iina di worl di Gud Nyuuz weh gwain laas fareva. Ihn wende priich dis Gud Nyuuz tu di pipl dem fahn aala di difrent nieshan dem, aala di traib dem, ahn aala di pipl dem weh taak difrent langwij dem.