Mark 15:16 - The New Testament in Islander Creole

¹⁶ Den di govana suoldya dem ker Jesus iina di plies dehn kaal di Praetorium —di plies weh di govana ahn dem yuuztu liv— ahn dehn gyada op roun Jesus aala di Roman suoldya dem.

Mark 15:16 Iomraidhean Croise

Matthew 26:3

Den di hai priis ahn di ada Jewish rilijos liida dem gyada tugeda iina di palis fi Caiaphas, huu dah wehn di Hai Priis.

Mark 15:17

Dehn put aan wan lang porpl goun pan Jesus laik him dah wan ruula, ahn den dehn plat'op wan kroun outa prikl ahn put'ih pan ihn hed.

John 18:28

Dah wehn suun iina di maanin wen di Jewish liida dem mek di Templ gyaad dehn ker Jesus fahn Caiphas plies tu di govana hous weh dehn kaal di “Praetorium.” Bot di Jewish liida dem neva gaan iinsaid, fi no get dehnself doty iina God sait; dehn waahn stie kliin fi dehn kuda iit di Paasuova sopa.

John 18:33

Pilate gaan bak iinsaid di Praetorium ahn kaal fi mek dem bring Jesus tu im. Ihn aks im, “Yuu dah di Jewish pipl dehn King?”

John 19:2

ahn dehn mek wan plie-plie kroun outa prikl bush ahn put'ih pahn ihn hed. Den dehn dres im op iina wan lang porpl goun;

John 19:9

Ihn gaan bak iinsaida di Praetorium ahn aks Jesus, “Dah weh paat yuu kom fram?” Bot Jesus neva ansa im ataal.

Acts 10:1

Now iina di toun a Caesarea dehn wehn gat wan man niem Cornelius, weh dah wehn di kyapm a wan hundred suoldya iina di Roman aamy. Dehn kaal dis gruup di Italian Regiment.