Mark 14:6 - The New Testament in Islander Creole

⁶ Bot Jesus seh, “Unu let luon di uman! Wai unu deh moles im fah? Ihn jos don du somting gud fi mii.

Mark 14:6 Iomraidhean Croise

Matthew 26:10

Bot Jesus, weh wehn nuo seh dehn wehn beks, aks dem, “Weh unu deh moles dis uman fah? Ihn jos don du somting gud fi mii.

Mark 14:5

Wi shuor seh wi kuda sel dis porfyuum fi wan paila mony —muo an three hundred denarii— ahn den gi di puor pipl dem di mony weh wi get aafa it!” Ahn dehn kritisaiz di uman fi dat.

Mark 14:7

Bikaaz unu gwain gat di puor pipl dem roun unu aal di taim, ahn enytaim unu waahn, unu kyan help dem. Bot unu no gwain gat mii aal di taim.

Acts 9:36

Now iina di neks toun a Joppa, wan uman weh liv deh wehn niem Tabitha, weh iina di Greek langwij dah Dorcus. Shii dah wehn wan biliiva ahn spen aal ihn taim deh help puor pipl ahn du ada gud tingz.

2 Corinthians 10:18

Bikaaz, wen di pipl dem buos bout demself, ih no miin notn ataal. Bot, wen di Laad taak gud bout dem, dat dah weh kount fi chruut, bredrin!

2 Corinthians 9:8

Ahn him kyan bles unu wid plenty muo an weh unu niid, so unu aalwiez gwain gat nof fi unuself, ahn plenty muo fi shier wid ada pipl tu!

Ephesians 2:10

Memba seh: God dah wehn di Wan weh wehn mek wi; ahn ihn mek wi wan wid Christ Jesus fi du gud tingz. Ahn him don plan fi wi du dehn gud tingz iina ihn main fahn lang-lang taim abak!

Colossians 1:10

Den, unu gwain kyan liv iina wan wie weh ana di Laad, ahn du aal demde tingz weh gwain pliiz im. Unu gwain waahn du demde tingz weh gud ahn kain tu ada pipl. Ahn iina dis wie, unu gwain gruo fi nuo God muo ahn muo evry die.

2 Thessalonians 2:17

inkorij unu haat deh mek unu strang fi du ahn seh aal weh gud evry die!

1 Timothy 5:10

Pan tapa dat, di pipl dem hafy nuo disya wido fi di gud tingz weh shii deh du. Ihn fi bii wan uman weh wehn riez'op ihn pikniny dem rait, ahn weh yuuztu welkom pipl iina ihn hous, ahn weh yuuztu wash di fut dem a God pipl dem, ahn help demya pipl weh deh sofa tu. Ihn fi bii wan uman weh wehn du plenty gud ting aal di taim.

1 Timothy 6:18

Komaan dem fi du gud. Dehn fi bii rich iina di gud tingz weh dehn deh du evry die; ahn bii frii-handid, redy fi shier weh dehn gat wid dem weh deh iina niid.

2 Timothy 2:21

So, di biliiva deh, weh kiip faar fahn enyting weh gwain mek dehn bady ahn dehn spirit doty wid sin, demde pipl gwain bii laik dehn fansy guol dish dem. Dehn Maasta gwain yuuz dem fi du ihn speshal work, bikaaz demya pipl gi dehn huol laif tu di Laad, ahn dehn redy fi du aal kain a gud.

2 Timothy 3:17

so enybady weh waahn sorv God kyan bii redy fi du evry gud work jos laik weh ihn waahn wi fi du!

Titus 2:14

Dah him weh gi ihnself fi wii, so ihn kyan reskyu wi fahn evryting weh wikid, ahn ihn mek wi ihn speshal pipl wid pyuor haat weh riily waahn du gud!

Titus 2:7

Ahn yuu tu, Titus, yu fi bii wan gud egzampl iina evryting weh yu du, so evrybady kyan fala yo egzampl. Ahn, wen yu deh tiich, yu fi shuo seh yu miin weh yu seh ahn yu siiryos fi chruut.

Titus 3:14

Di biliiva dem dah Crete hafy laan how fi yuuz dehn taim fi du plenty gud tingz tu, so dehn kyan help ada pipl get weh dehn niid. Iina dah wie deh, demya pipl gwain liv wan laif weh wortwail.

Titus 3:8

Ahn demya tingz weh Ah deh tel yu dah chruut! So, Titus, yu fi ripiit dehn tingz aal di taim, so di biliiva dem weh gat dehn fiet iina God, fala demya tiichin ahn du plenty gud tingz aal di taim!

Hebrews 10:24

Ahn mek wi inkorij wan anada fi shuo lov ahn du gud.

1 Peter 2:12

Unu fi liv iina soch a wie mongs di pipl dem weh no nuo God, dat iivn wen dehn deh akyuuz unu seh, unu deh du di tingz dem weh wikid, demya pipl hafy uon'op ahn seh dah neva chruu. Ahn di gud tingz weh unu du, gwain liid dem fi biliiv ahn gi God ana pahn Dat Die wen ihn kom bak fi joj di worl!