Mark 13:36 - The New Testament in Islander Creole

³⁶ If unu no nuo wen ihn deh kom bak, mek shuor seh ihn no fain unu deh sliip laik sombady weh no pripier.

Mark 13:36 Iomraidhean Croise

Matthew 25:5

Now di man weh gwain get marid wende tek uova lang, so dehn nad aaf ahn drap asliip.

Mark 14:37

Den Jesus kom bak ahn fain di disaipl dem deh sliip, so ihn seh tu Peter, “Simon, yu deh sliip aredy? Yu miin seh yu kudn stie wiek wid mi fi nat iivn wan owa?”

Mark 14:40

Ahn wen ihn kom bak, ihn fain ihn disaipl dem deh sliip agen; dehn kudn kiip dehn ai uopm ataal, ahn dehn neva nuo wat fi tel im.

Luke 21:34

“Unu main, unu no mek unu haat get hevy wid sin, laik di man weh wies ihn laif wid jronkinis, ahn di woriz a dis laif; ahn den, wen unu fain out, Dah Die kech unu aafa gyaad. Ih gwain kom aalava sodn laik wan trap;

Luke 22:45

Wen Jesus get'op fahn upaa ihn wende prie, ihn gaan uova tu weh di disaipl dem wehn deh ahn ihn fain dem deh sliip, sieka weh dehn wehn so sad.

Ephesians 5:14

Bikaaz dah lait, dah weh mek evryting klier fi si. Ahn dat dah wai di Skriptyo seh: “Unu weh deh sliip, wiek'op! Get'op fahn mongs di ded pipl dem! Ahn Christ gwain shain pahn unu.”