Mark 13:34 - The New Testament in Islander Creole

³⁴ Ih gwain bii laik wan man weh gwain dah wan foor kontry ahn lef ihn sorvant dem fi main ihn hous. Ihn lef work fi evry wan a dem ahn ihn tel ihn wach-man fi wach gud.

Mark 13:34 Iomraidhean Croise

Matthew 16:19

Ah gwain gi'yo di kii dem fi di Kingdom a Hevn. So enyting weh yo rijek pahn ort, ih don get rijek iina hevn tu, ahn enyting weh yo aksep pahn ort, ih don get aksep iina hevn tu.”

John 10:3

Di wan weh gyaad di giet, uopm di giet fi di shepad, ahn di shiip dem hier ihn vais. Den di shepad kaal fi him uon shiip dem bai dehn niem ahn ihn ker dem out.

Romans 13:6

Siem wie, unu fi pie unu taks, bikaaz demde pipl iina atarity hafy get pie so dehn kyan gi aala dehn taim fi du aal weh God waahn dehn fi du.

1 Corinthians 15:58

So den, unu weh dah mi fren dem weh Ah lov, unu fi stan op strang! No mek notn muuv unu. Ahn unu fi kiip aan deh du di Laad work wid evryting weh unu gat. Bikaaz, unu don nuo seh evryting weh unu du fi di Laad, no gwain bii fi notn!

Colossians 3:24

Memba seh: dah di Laad Christ unu riily deh sorv, ahn dah him gwain pie unu.

Colossians 4:1

Ahn unu maasta, unu fi du weh rait ahn gud fi unu worka dem, bikaaz unu hafy memba seh unu rispansabl tu wan Maasta iina hevn tu!

Revelation 3:7

“Rait dis mesij tu di ienjel fahn di chorch iina Philadelphia: Dis dah di mesij fahn di Wan weh huoly ahn chruu. Him dah di Wan, weh huol di kii fi David. Wen him tek di kii ahn uopm wan duo, nonbady kyaahn shet'ih op. Ahn wen him shet di duo, nonbady gwain kyaahn uopm ih bak. Ihn seh: