Mark 12:10 - The New Testament in Islander Creole

¹⁰ Unu neva riid di Skriptyo yet, weh seh: ‘Di brik weh di bilda dem neva waahn yuuz, kom fi bii di muos impuotant outa aala dem!

Mark 12:10 Iomraidhean Croise

Matthew 12:3

Jesus ansa dem seh, “Unu neva riid bout di taim wen David wehn uova niid somting fi iit? David ahn ihn waria dem wehn hongry, so David gaan iina God hous ahn ihn iit di aafrin bred, ahn gi som a ih tu ihn waria dem tu. Ahn ongl di priis dem kuda du dis.

Matthew 19:4

Jesus ansa dem wid wan nada kwestyan, “Unu neva riid weh ih seh fahn di biginin a di kriyieshan wen God mek di worl, ihn mek man ahn uman.”

Matthew 21:16

ahn dehn aks Jesus, “Yuu no deh hier wat demya pikniny deh seh?” So Jesus ansa dem, “Yees! Ahn unu neva riid iina di Skriptyo weh ih seh, ‘Yuu, God, wehn plan fi mek yo uon priez outa weh di likl pikniny ahn di bieby dem wehn gwain seh bout yo.’ ”

Matthew 21:42

So Jesus seh tu dem, “Unu neva riid di Skriptyo yet, weh seh: ‘Di brik weh di bilda dem neva waahn yuuz, kom fi bii di muos impuotant outa aala dem! Dis dah weh di Laad wehn du, ahn ih dah wan wandaful ting fi si'ih hapm!’

Matthew 22:31

Now, bout weda pipl kom bak tu laif or nat, unu neva riid God Wod weh paat ihn seh,

Mark 12:26

Now, bout weda pipl kom bak tu laif or nat, unu neva riid iina Moses buk weh paat ih taak bout di bush weh wende bon? God tel Moses seh, ‘Ai dah Abraham God, fi Isaac God, ahn Jacob God tu.’

Mark 12:9

Ahn den Jesus aks, “So, wat unu tink di uona a di grong weh gi griep gwain du dem, wen ihn hier weh hapm? Ah tel unu: ihn gwain kom ahn kil demde man ahn rent di grong tu som ada pipl.

Mark 13:14

“Ahn unu gwain si di Uova Teribl Ting deh stan op iina di Holy Plies weh ih no bilang. So wen unu si dis hapm —mek di wan weh deh riid dis leta andastan dis— aala dem weh liv dah Judea lan fi hory, go'op pan di mountin dem.

Mark 2:25

Jesus ansa dem seh, “Unu neva riid bout di taim wen David wehn niid somting fi iit? David ahn ihn waria dem wehn hongry, so David gaan iina God hous ahn ihn iit di aafrin bred, ahn gi som a ih tu ihn waria dem tu. Ahn ongl di priis dem kuda du dis. Dis hapm wen Abiathar dah wehn di Hai Priis.”

Luke 6:3

Jesus ansa dem seh, “Unu neva riid bout di taim wen David wehn uova niid somting fi iit? David ahn ihn waria dem wehn hongry, so David gaan iina God hous ahn ihn iit di aafrin bred, ahn gi som a ih tu ihn waria dem tu. Ahn ongl di priis dem kuda du dis.”

Romans 9:33

siem laik how ih wehn rait iina di Skriptyo seh: “Unu luk! Ah put wan stuon iina Zion weh gwain mek di pipl dem bok dehn fut, ahn stombl, ahn dah wan rak weh mek di pipl dem faal dong. Bot di wan weh chros iina him, no gwain shiem nontaim!”