Mark 11:23 - The New Testament in Islander Creole

²³ Hier dis chruut weh Ah deh tel unu: if enywan a unu tel dis mountin fi get'op ahn go chruo ihself iina di sii, ahn ihn no dout seh ih gwain hapm, bot biliiv so, ih riily gwain hapm.

Mark 11:23 Iomraidhean Croise

Matthew 14:13

Wen Jesus hier dis, ihn gaan fahn daty toun iina wan buot dah wan plies weh nonbady neva deh, so ihn kuda deh bai imself. Bot di kroud fain out upaa ihn wende, ahn dehn fala im pan fut fahn aal bout.

Matthew 17:20

So ihn tel dem, “Bikaaz unu wehn ongl gat likl bit a fiet. Hier weh Ah deh seh: iivn if unu fiet smaal laik wan mostad siid, unu kuda seh tu di mountin, ‘Muuv fahn yahso tu dehso,’ ahn ih gwain muuv, bikaaz notn no gwain impasabl fi unu!

Matthew 21:21

So Jesus ansa dem ahn seh, “Hier dis chruut weh Ah deh tel unu: if yo gat fiet ahn yo no dout ataal, yo no ongl gwain gat di powa fi mek dis fig trii drai op tu, bot yo gwain kyan seh tu disya mountin, ‘Get'op ahn go chruo yoself iina di sii,’ ahn ih gwain du'ih.

Luke 17:6

Jesus seh, “Iivn if unu fiet smaal laik wan mostad siid, unu kyan tel dis sikimuor trii, ‘Pul op yo ruut ahn go, go plaant yoself iina di sii,’ ahn ih gwain obie unu.

John 14:13

So den, unu aks fi enyting iina mi niem, ahn Ah gwain du'ih, so weh di Son du, gwain mek di pipl dem si how di Faada wandaful.

John 15:7

If unu stie jain aan tu mii, ahn aal weh Ah tiich unu stie iina unu haat, den enyting weh unu aks fah unu gwain get.

1 Corinthians 13:2

Ahn, if Ah kuda prafisai ahn andastan aal di siikrit tingz fahn God ahn nuo evryting weh deh fi nuo; ahn, if Ai wehn gat fiet weh kuda muuv di mountin dem —bot Ai no gat lov fi nonbady— Ai dah no notn ataal!